తమిళ ప్రముఖ దర్శకుడు గౌతమ్‌ మీనన్‌ నిర్మాణంలో మరో ప్రముఖ దర్శకుడు ప్రభుదేవ శిష్యుడు ప్రేమ్‌సాయి దర్శకత్వంలో నితిన్‌ హీరోగా, యామీ గౌతమ్‌ హీరోయిన్‌గా తెరకెక్కిన చిత్రం ‘కొరియర్‌బాయ్‌ కళ్యాణ్‌’.చాలా కాలంగా విడుదల వాయిదా పడుతూ వస్తున్న ఈ సినిమాను ఈనెల 11న విడుదల చేస్తాం అంటూ ఇటీవలే ప్రకటించారు.
అయితే మరోసారి ఈ సినిమా విడుదల వాయిదా వేశారు.తాజాగా మరో కొత్త విడుదల తేదీని చిత్ర యూనిట్‌ సభ్యులు అధికారికంగా ప్రకటించారు.
తాజాగా చిత్ర యూనిట్‌ సభ్యులు చెబుతున్న దాని ప్రకారం ఈ సినిమాను ఈనెల 17న విడుదల చేయాలని నిర్ణయించినట్లుగా తెలుస్తోంది.వినాయక చవితి పండగ కలిసి వచ్చేలా ఈ సినిమా విడుదల తేదీని చిత్ర నిర్మాత ప్లాన్‌ చేశాడు.
చవితి రోజు విడుదల కాబోతున్న ఈ సినిమా ఎలా ఉంటుందో చూడాలి.వైవిధ్యభరిత కథాంశంతో ఈ సినిమాను తెరకెక్కించినట్లుగా చెబుతున్నారు.
ఇప్పటికే విడుదలైన ట్రైలర్‌లు సినిమాపై అంచనాలను పెంచేస్తున్నాయి.నితిన్‌ వరుస విజయాలతో ప్రేక్షకులను ఆకట్టుకుంటున్న ఈ నేపథ్యంలో ‘కొరియర్‌ బాయ్‌ కళ్యాణ్‌’ రావడం మంచి పరిణామం.
నితిన్‌ ఈ సినిమాతో విజయాల పరంపరను ఈ సినిమా కొనసాగించేనో చూడాలి.
