పవర్ స్టార్ పవన్ కళ్యాణ్ ఫ్యాన్స్ చాలా కాలంగా ఎదురు చూస్తున్న ‘గబ్బర్ సింగ్ 2’ / ‘సర్దార్’ సినిమా ఎట్టకేలకు ప్రారంభం అయిన విషయం తెల్సిందే.ఇటీవలే రెండవ షెడ్యూల్ను పూర్తి చేసుకున్న ఈ సినిమా మూడవ షెడ్యూల్ను అతి త్వరలోనే ప్రారంభించేందుకు ఏర్పాట్లు జరుగుతున్నాయి.
భారీ అంచనాల నడుమ తెరకెక్కుతున్న ఈ సినిమాలో హీరోయిన్గా మొదట విశాఖపట్నం అమ్మాయి అనీష ఆంబ్రోస్ను ఎంపిక చేసిన విషయం తెల్సిందే.ఏవో కారణాల వల్ల ఆమెను ఈ సినిమా నుండి తప్పించారు.
తాజాగా ఈ సినిమాలో హీరోయిన్గా కాజల్ను ఎంపిక చేసినట్లుగా వార్తలు వస్తున్నాయి.
కాజల్ ఎంపిక విషయంపై చిత్ర యూనిట్ ఇప్పటి వరకు అధికారిక ప్రకటన ఇవ్వకపోయినా కూడా విశ్వసనీయ సమాచారం ప్రకారం ఈ సినిమాలో హీరోయిన్ ఆమె అంటూ తెలుస్తోంది.
చిత్ర యూనిట్ సభ్యులు చెబుతున్నదాని ప్రకారం కొన్ని రోజుల క్రితం ‘సర్దార్’ సెట్కు కాజల్ వచ్చిందని, దర్శకుడు బాబీ మరియు నిర్మాత శరత్ మారార్ ఆమెతో కొంత సమయం మాట్లాడారు అంటున్నారు.ఆ తర్వాత ఆమెతో పవన్ కూడా మాట్లాడాడు అంటున్నారు.
దాంతో ఈ సినిమాకు కాజల్ హీరోయిన్గా ఫిక్స్ అయ్యిందని అంతా అనుకుంటున్నారు.అతి త్వరలోనే ఈ విషయంపై ఒక స్పష్టత వచ్చే అవకాశాలున్నాయి.
