చైనాలోని ఓ జూలో ( zoo in China )షాకింగ్ ఘటన చోటు చేసుకుంది.దానికి సంబంధించిన వీడియో ఇప్పుడు సోషల్ మీడియాలో వైరల్ అవుతోంది.
ఇందులో ఓ చింపాంజీ సిగరెట్ పట్టుకుని మరీ పీల్చుతూ కనిపించింది.ఇది చూసిన జనాలు ఒక్కసారిగా అవాక్కయ్యారు.
జూ సిబ్బంది ఏం చేస్తున్నారు అంటూ మండిపడుతున్నారు.ఈ ఘటన చైనాలోని గ్వాంగ్జీ ప్రాంతంలోని నాన్నింగ్ జూలో జరిగింది.
వీడియోలో చింపాంజీ నేలపై కూర్చొని ఎవరూ లేనట్టు సైలెంట్‌గా సిగరెట్ స్మోక్ చేస్తోంది.అక్కడే ఉన్న ఓ విజిటర్ ఈ సీన్‌ను వీడియో తీసి సోషల్ మీడియాలో పెట్టడంతో అది కాస్తా వైరల్ అయిపోయింది.
అసలు చింపాంజీకి ( chimpanzee )సిగరెట్ ఎక్కడి నుండి వచ్చింది? ఇదే ఇప్పుడు పెద్ద ప్రశ్నగా మారింది.జూ అధికారులు మాత్రం దీనిపై ఒక క్లారిటీ ఇచ్చారు.ఎవరో విజిటర్ కావాలనే పడేసి ఉంటారని లేదా పొరపాటున జారిపోయి ఉంటుందని అనుకుంటున్నామని చెప్పారు.జూ యాజమాన్యం వెంటనే స్పందించింది.జూ అధికారులు ఈ ఘటనపై సీరియస్‌గా ఇన్వెస్టిగేషన్ స్టార్ట్ చేశారు.ఎవరో కావాలనే చింపాంజీకి సిగరెట్ ఇచ్చి ఉంటారా అనే కోణంలో కూడా ఎంక్వైరీ చేస్తున్నారు.
జూ విజిటర్స్ రెస్పాన్సిబుల్‌గా ఉండాలని, జంతువుల దగ్గర వస్తువులు పడేయడం, విసరడం లాంటివి చేయొద్దని స్ట్రిక్ట్‌గా వార్నింగ్ ఇచ్చారు.ఇలాంటివి మళ్లీ రిపీట్ కాకుండా చూస్తామని, అవేర్‌నెస్ ప్రోగ్రామ్స్ కూడా పెడుతున్నామని జూ మేనేజ్‌మెంట్ తెలిపింది.
ఇక ఈ వీడియో చూసిన నెటిజన్లు మాత్రం ఫైర్ అవుతున్నారు.“ఇదేం ఫన్నీ కాదు, చాలా దారుణంగా ఉంది” అంటూ కామెంట్స్ పెడుతున్నారు.ట్రావ్లీ అనే ఇన్‌స్టా పేజీ ఈ వీడియోని షేర్ చేస్తూ చింపాంజీని పొరపాటుగా గొరిల్లా అని మెన్షన్ చేసింది.జనాలు మాత్రం ఇది చాలా తప్పు అంటున్నారు.“చింపాంజీ స్ట్రెస్‌లో ఉందా, అందుకే సిగరెట్ తాగుతోందా?” అని ఒకరు కామెంట్ చేస్తే, “జంతువులతో ఇలాంటి పనులు చేయించడం చాలా దారుణం” అని ఇంకొకరు మండిపడ్డారు.మొత్తానికి ఈ షాకింగ్ వీడియో జూలో జంతువుల సంరక్షణ, విజిటర్స్ బిహేవియర్ వంటి వాటిపై పెద్ద ప్రశ్నలు రేపుతోంది.
