ఈరోజుల్లో ఫొటోషూట్స్‌ కోసం చాలా మంది తమ ప్రాణాలను పణంగా పెడుతున్నారు.తాజాగా పాకిస్థానీ ఇన్‌ఫ్లుయెన్సర్ రబీకా ఖాన్ ( Pakistani influencer Rabeeqah Khan )తన పుట్టిన రోజు వేడుకల్లో ఓ డేంజరస్ స్టంట్‌ చేసింది.
అలా ఓ ఫొటోషూట్ కోసం లైఫ్‌ను రిస్క్‌లో పెట్టి వార్తల్లో నిలిచింది.ఆమె ఒక క్రేన్‌కు వేలాడుతూ గాలిలో ఫోటోలు తీయించుకుంది.
తన 20వ పుట్టిన రోజును జరుపుకోవడానికి చేసిన ఈ ప్రయోగం సోషల్ మీడియాలో చాలా చర్చకు దారితీసింది.
కొంతమంది ఆమె ధైర్యాన్ని అభినందిస్తుంటే, మరికొంతమంది ఇలాంటి ప్రమాదకరమైన స్టంట్స్ చేయడం సరికాదని అంటున్నారు.
పిచ్చి పీక్స్‌కి చేరడమంటే ఇదే కాబోలు అని కొందరు తిట్టిపోశారు కూడా.రబీకా ఖాన్ ఈ ఫొటోషూట్‌ని బయట ఓపెన్ స్పేస్‌లో చేసింది.తానొక అడ్వెంచరస్ పర్సన్ అని చూపించడానికే ఆమె క్రేన్‌ని వాడింది.బ్యాక్‌గ్రౌండ్ కూడా చాలా అందంగా ఉంది.
గాలిలో వేలాడుతున్న రబీకా ఖాన్ ధరించిన ఆరంజ్ కలర్ డ్రెస్ ( Orange color dress )నీలి ఆకాశంతో చాలా బాగా కలిసిపోయింది.కొన్ని గంటల్లోనే ఈ ఫోటో సోషల్ మీడియాలో తెగ వైరల్ అయింది.
లక్షలాది లైక్స్, షేర్లు వచ్చాయి.ఆ ఫొటోషూట్‌ను ఆమె ఇన్‌స్టాగ్రామ్ అకౌంట్‌ (@rabeecakhan)లో చూడవచ్చు.
“గుడ్‌బై టీన్స్, ఇప్పుడు 20ల వయసులోకి అడుగుపెట్టాను! ఇక సాహసాలు మొదలు!” అని రబీకా ఖాన్ తన ఫోటోకు క్యాప్షన్‌ ఇచ్చింది.మొదట ఆమె ఇన్‌స్టాగ్రామ్ ఫాలోవర్స్, ఆమె గాలిలో తేలుతున్నట్లుగా ఫోటో ఎడిట్ చేసి ఉంటారేమో అని అనుమానించారు.ఎందుకంటే ఆ ఫోటోలో ఆమెను బలపరచడానికి ఏమీ లేనట్లు, కేవలం బెలూన్ల సాయంతోనే ఆమె గాలిలో తేలుతున్నట్లు అనిపించింది.
కానీ తర్వాత రబీకా ఆ ఫోటోషూట్‌కు సంబంధించిన వీడియోను పోస్ట్ చేసింది.ఆ వీడియోలో ఆమె క్రేన్‌కు వేలాడుతూ ఆ ఫోటో తీయించుకున్నట్లు చూపించింది.ఫోటో తీస్తున్న సమయంలో ఆమె దుస్తుల కింద సేఫ్టీ హార్నెస్ వేసుకుని ఉంది.“ఇది చాలా కష్టమైన పని.నాకు ఎలా వివరించాలో కూడా తెలీదు.కానీ నేను చేయాల్సిందే కాబట్టి చేశాను” అని రబీకా తన ఫోటోకు క్యాప్షన్‌ ఇచ్చింది.రబీకా నెటిజన్లకు కొత్త వ్యక్తి కాదు.సోషల్ మీడియాలో ఆమెకు చాలా మంది అభిమానులు ఉన్నారు.ఆమె పాటలు పాడే వీడియోలు, బ్యూటీ టిప్స్, లైఫ్‌స్టైల్ వీడియోలు చేసి పోస్ట్ చేస్తుంటుంది.
