తెలుగు సినీ ప్రేక్షకులకు ఒకప్పటి సీనియర్ నటి హీరోయిన్ జయప్రద( Jayaprada ) గురించి ప్రత్యేకంగా పరిచయం అక్కర్లేదు.తెలుగులో ఎన్నో సినిమాలలో నటించి మంచి గుర్తింపు తెచ్చుకుంది.
అలాగే తెలుగు, తమిళం, మలయాళం, హిందీ భాషలలో అనేక సూపర్ హిట్ చిత్రాల్లో నటించింది.సీనియర్ ఎన్టీఆర్, శోభన్ బాబు, ఏఎన్నార్, కృష్ణ వంటి స్టార్ హీరోల సరసన నటించి మెప్పించింది.
అంతేకాదు అమితాబ్ బచ్చన్, ధర్మేంద్ర వంటి బాలీవుడ్ సూపర్ స్టార్లతో నటించి హిట్స్ అందించింది.పాన్ ఇండియా లెవల్లో అప్పట్లో భారీ పారితోషికం( Remuneration ) తీసుకునే హీరోయిన్లలో ఆమె ఒకరు.
చిన్న వయసులోనే నటిగా కెరీర్ ప్రారంభించిన జయప్రద అతి తక్కువ సమయంలోనే తనకంటూ స్టార్ డమ్ సంపాదించుకుంది.
కథానాయికగా కెరీర్ నెమ్మదించిన తర్వాత సహయ పాత్రలలో కనిపించింది.ఈమె కేవలం నటి మాత్రమే కాదు క్లాసికల్ డాన్సర్ కూడా.చిన్నప్పుడు తెలుగులో భూమి కోసం( Bhoomi Kosam ) అనే సినిమాతోనే సినిమా ఇండస్ట్రీకి ఎంట్రీ ఇచ్చింది.
ఇక మొదటి సినిమాకు గాను జయప్రద 13 ఏళ్ల వయసులో పది రూపాయలను మొదటి పారితోషికంగా అందుకుంది.ఆమె 1976లో కమల్ హాసన్ సరసన మన్మద లీలై చిత్రంతో తమిళ చిత్రసీమలోకి అడుగుపెట్టింది.
జయప్రద ఆ తర్వాత బాలీవుడ్ లోకి అడుగుపెట్టి ఎన్నో హిట్ చిత్రాల్లో నటించింది.తక్కువ సమయంలోనే అత్యధిక పారితోషికం తీసుకునే నటీమణుల్లో ఆమె కూడా ఒకరు.జీతేంద్రతో ఆమె జతకట్టడం బాలీవుడ్ లో బెస్ట్ స్టార్ పెయిరింగ్‌ గా ప్రశంసలు అందుకుంది.
ఇద్దరూ కలిసి ఎన్నో బ్లాక్ బస్టర్ చిత్రాలను అందించారు.జయప్రద తన అద్భుతమైన నటనకు ఎన్నో అవార్డులు కూడా అందుకుంది.ఆమె సినిమాలలోనే కాకుండా రాజకీయాల్లో ( Politics ) కూడా ఎంట్రీ ఇచ్చి అక్కడ కూడా సక్సెస్ అయిన విషయం తెలిసిందే.
ఇప్పటికీ అడపాదడపా సినిమాలలో నటిస్తూ బిజీ బిజీగా ఉంది జయప్రద. ఇది ఇలా ఉంటే తాజాగా సోషల్ మీడియాలో ఆమె చిన్నప్పటి ఫోటోలు వైరల్ గా మారాయి.
ఆ ఫోటోలను చూసిన అభిమానులు చిన్నప్పుడు చాలా అందంగా ఉంది అంటూ కామెంట్ల వర్షం కురిపిస్తున్నారు.
తెలుగు వార్త విశేషాలు సులభముగా తెలుసుకోండి!!!!
సినిమా కబుర్లు
టాప్ స్టోరీస్
క్రైమ్ న్యూస్
అవీ...ఇవి
ప్రత్యేకం
