మలబద్ధకం( Constipation ) వయసుతో సంబంధం లేకుండా ఎంతో మంది కామన్ గా ఫేస్ చేసే జీర్ణ సమస్యల్లో ఇది ఒకటి.అయితే ఎక్కువ శాతం మంది మలబద్ధకాన్ని బయటకు చెప్పుకోలేని సమస్యగా భావిస్తుంటారు.
ఇతరులతో ఈ సమస్య గురించి చర్చించేందుకు మక్కువ చూపరు.అయితే మలబద్ధకం తలెత్తడానికి కారణాలు అనేకం.
ఈ సమస్యను వదిలించుకోవడానికి మందులే వాడాల్సిన అవసరం లేదు.కొన్ని ఇంటి చిట్కాలు కూడా మలబద్ధకం సమస్యకు సమర్థవంతంగా చెక్ పెట్టగలవు.
ఈ నేపథ్యంలోనే మలబద్ధకాన్ని నివారించే ఒక బెస్ట్ హోమ్ రెమెడీ గురించి ఇప్పుడు తెలుసుకుందాం.మజ్జిగ( buttermilk ) మనం నిత్యం తాగే పానీయాల్లో ఒకటి.ముఖ్యంగా భోజనం తర్వాత మజ్జిగ తాగే అలవాటు చాలా మందికి ఉంటుంది.అయితే మజ్జిగ నేరుగా కాకుండా ఇప్పుడు చెప్పబోయే విధంగా తీసుకున్నారంటే మలబద్ధకం అన్న మాట అనరు.
![Telugu Buttermilkbee, Tips, Latest-Telugu Health Telugu Buttermilkbee, Tips, Latest-Telugu Health](https://telugustop.com/wp-content/uploads/2024/03/Constipation-goes-away-by-consuming-buttermilk-like-this-before-meals-buttermilkc.jpg)
అందుకోసం ముందుగా ఒక గ్లాసు మజ్జిగ తీసుకోవాలి.అందులో రెండు నుంచి మూడు టేబుల్ స్పూన్లు సన్నగా తరిగిన ఉల్లిపాయ ముక్కలు( onion slices ) వేసుకోవాలి.అలాగే పావు టేబుల్ స్పూన్ వేయించిన జీలకర్ర పొడి( Cumin powder ), పావు టేబుల్ స్పూన్ వాము పొడి, చిటికెడు మిరియాల పొడి( Pepper powder ) మరియు బ్లాక్ సాల్ట్ వేసుకుని బాగా మిక్స్ చేసుకోవాలి.ఇప్పుడు ఈ మసాలా మజ్జిగను భోజనం చేయడానికి అరగంట ముందు సేవించాలి.
![Telugu Buttermilkbee, Tips, Latest-Telugu Health Telugu Buttermilkbee, Tips, Latest-Telugu Health](https://telugustop.com/wp-content/uploads/2024/03/Constipation-goes-away-by-consuming-buttermilk-like-this-before-meals-buttermilkd.jpg)
ప్రతిరోజు ఈ విధంగా చేశారంటే మలబద్ధకం పరార్ అవుతుంది.ఉల్లిపాయ, జీలకర్ర, మిరియాలు మరియు వాము ఇవన్నీ జీర్ణ వ్యవస్థను చురుగ్గా మారుస్తాయి.తిన్న ఆహారాన్ని త్వరగా జీర్ణం అయ్యేలా ప్రోత్సహిస్తాయి.మలబద్ధకం సమస్యను తరిమి కొడతాయి.నిత్యం పగటిపూట మజ్జిగను ఈ విధంగా తీసుకున్నారంటే మలబద్ధకం అన్న మాటే అనరు.పైగా గ్యాస్, ఎసిడిటీ, అజీర్తి వంటి ఇతర జీర్ణ సమస్యలు సైతం వేధించకుండా ఉంటాయి.