విజయవాడలో వికసిత్ భారత్ సంకల్ప యాత్ర కొనసాగుతోంది.ఈ కార్యక్రమంలో పాల్గొన్న కేంద్రమంత్రి భారతి ప్రవీణ్ పవార్ మాట్లాడుతూ కేంద్ర పథకాలపై ప్రజలకు అవగాహన కల్పిస్తున్నామని తెలిపారు.
ఏపీలో 26 జిల్లాల్లో వికసిత్ భారత్ సంకల్ప యాత్ర కొనసాగుతోందని భారతి ప్రవీణ్ పవార్ పేర్కొన్నారు.దాదాపు 35 లక్షల మంది ఈ యాత్రలో భాగస్వామ్యం అయ్యారని తెలిపారు.
అలాగే పేదలకు ఆరోగ్య పరీక్షలు నిర్వహించడంతో పాటు మందులను అందిస్తున్నామని వెల్లడించారు.కాగా అర్హత ఉన్న ఏ ఒక్కరూ ప్రభుత్వ పథకాల లబ్ది పొందకుండా మిగిలిపోకూడదనే ఉద్దేశంతో ప్రధానమంత్రి నరేంద్ర మోదీ ఈ కార్యక్రమాన్ని ప్రారంభించారన్న విషయం తెలిసిందే.
