2500లకు పైగా యాప్‌లకు గూగుల్ షాక్.. ప్లేస్టోర్ నుంచి తొలగించడానికి ఇదే కారణం..

దేశంలో లోన్ యాప్స్( Loan apps ) వేధింపులు ఎక్కువ అవుతున్నాయి.తక్కువ మొత్తంలో అప్పులు ఇచ్చి ఎక్కువ వడ్డీలు వసూలు చేస్తున్నారు.

ఏదైనా ఒక నెల ఈఎంఐ సమయానికి చెల్లించకపోతే వారిని మానసికంగా హింసిస్తున్నారు.ముఖ్యంగా వారి ఫొటోలు మార్ఫింగ్ చేసి రేపిస్టు అని ఫ్యామిలీ మెంబర్లు, స్నేహితులకు పంపిస్తున్నారు.

దీంతో పరువు పోయిందని భావించి చాలా మంది ఆత్మహత్యలు చేసుకుంటున్నారు.ఇక గూగుల్ ప్లే స్టోర్‌లో ( Google Play Store )ఇలాంటి ఫ్రాడ్ లోన్ యాప్స్ చాలా ఉన్నాయి.

ఎన్నిటిపై నిషేధం విధించినా మరికొన్ని పుట్టుకొస్తున్నాయి.దీనిపై తాజాగా కేంద్రం దృష్టిసారించింది.

లోన్ యాప్స్‌కు కఠిన నిబంధనలు విధిస్తోంది.ముఖ్యంగా గూగుల్‌కు స్పష్టమైన ఆదేశాలు జారీ చేసింది.

దీంతో ఏప్రిల్ 2021, జూలై 2022 మధ్య గూగుల్ తన ప్లే స్టోర్ నుండి 2,500 కంటే ఎక్కువ మోసపూరిత రుణ యాప్‌లను తొలగించింది.ఈ విషయాన్ని ప్రభుత్వం సోమవారం లోక్‌సభకు తెలిపింది.

మోసపూరిత రుణ యాప్‌లను నియంత్రించేందుకు ప్రభుత్వం ఆర్‌బీఐ, ఇతర నియంత్రణ అధికారులతో కలిసి నిరంతరం పనిచేస్తోందని ఆర్థిక మంత్రి నిర్మలా సీతారామన్( Finance Minister Nirmala Sitharaman ) లోక్‌సభలో తెలిపారు.