చిరంజీవి గారు ఒక ఎవరెస్ట్ అంటూ చిరంజీవి పై ప్రశంసలు కురిపించిన విజయ్ దేవరకొండ?

రౌడీ హీరో విజయ్ దేవరకొండ( Vijay Devarakonda ) ప్రస్తుతం తన ఖుషి సినిమా( KhushiMovie ) ప్రమోషన్ కార్యక్రమాలలో ఎంతో బిజీగా ఉన్నారు.ఇలా ఈ సినిమా సెప్టెంబర్ ఒకటవ తేదీ విడుదల కానున్న నేపథ్యంలో పెద్ద ఎత్తున ప్రమోషన్ కార్యక్రమాలను నిర్వహిస్తున్నారు.

ఈ ప్రమోషన్ కార్యక్రమాలలో భాగంగా విజయ్ దేవరకొండ చెన్నై వెళ్లారు.అక్కడ మీడియా సమావేశంలో భాగంగా ఈయన తన సినిమా గురించి ఎన్నో విషయాలను తెలియజేయడమే కాకుండా టాలీవుడ్ ఇండస్ట్రీలో స్టార్ హీరోగా ఎంతో మంచి సక్సెస్ అందుకున్నటువంటి చిరంజీవి ( Chiranjeevi ) గురించి కూడా మాట్లాడుతూ చేసినటువంటి కామెంట్స్ ప్రస్తుతం సోషల్ మీడియాలో వైరల్ అవుతున్నాయి.

ఈ సందర్భంగా విజయ్ దేవరకొండ చిరంజీవి గురించి మాట్లాడుతూ చిరంజీవి గారు అంటే నాకు ఎంతో ఇష్టం గౌరవం అని తెలిపారు.ఆయన ఒక ఎవరెస్టు లాంటివారు.తెలుగు చిత్ర పరిశ్రమకు ఎన్నో విజయాలను సాధించారు.ఆయన లాంటివారు నాలాంటి లక్షలాదిమందికి స్ఫూర్తి అని విజయ్ దేవరకొండ తెలియజేశారు.ఇలాంటి గొప్ప వ్యక్తులను కేవలం మనం వారు సాధించిన విజయాలు పరాజయాలతో జడ్జ్ చేయలేము అంటూ విజయ్ దేవరకొండ తెలిపారు.

కానీ కొంతమంది చేస్తున్నటువంటి కామెంట్స్ కనుక చూస్తే చాలా బాధ కలుగుతుందని,కనీసం గౌరవం లేకుండా కూడా మాట్లాడటం సరైనది కాదు అంటూ ఈయన చిరంజీవి పట్ల వస్తున్నటువంటి విమర్శలపై స్పందించారు.చిరంజీవి నటించిన భోళాశంకర్( Bhola Shankar )సినిమా డిజాస్టర్ కావడంతో ఆయన పట్ల తీవ్ర స్థాయిలో విమర్శలు వస్తున్న సంగతి మనకు తెలిసిందే.ఇలా చిరంజీవి గారి గురించి వచ్చిన విమర్శలపై కూడా విజయ్ దేవరకొండ స్పందిస్తూ చేసిన ఈ కామెంట్స్ వైరల్ కావడంతో ఒకవైపు మెగా ఫాన్స్ మరోవైపు విజయ్ ఫ్యాన్స్ స్పందిస్తూ నువ్వు సూపర్ కొండన్న అంటూ కామెంట్స్ చేస్తున్నారు.