బాహుబలి( Bahubali ) సినిమా తర్వాత పాన్ ఇండియా స్టార్ హీరోగా ఎంతో మంచి గుర్తింపు సంపాదించుకున్నారు యంగ్ రెబల్ స్టార్ ప్రభాస్ ( Prabhas ) .ఇలా ఈ సినిమాతో పాన్ ఇండియా స్థాయిలో ఎంతో మంచి ఆదరణ సంపాదించుకున్నటువంటి ఈ హీరో అనంతరం తన సినిమాలన్నిటిని కూడా పాన్ ఇండియా స్థాయిలోనే ప్రేక్షకుల ముందుకు తీసుకువస్తున్నారు.
తాజాగా ఈయన రామాయణం ఇతిహాసం ఆధారంగా నటించిన ఆది పురుష్ ( Adipurush )సినిమా ప్రేక్షకుల ముందుకు వచ్చిన విషయం మనకు తెలిసిందే.ప్రస్తుతం ఈ సినిమా థియేటర్లలో ప్రేక్షకులను సందడి చేస్తుంది.
ఇక ఈ సినిమా ఇతర దేశాలలో కూడా ప్రదర్శితం అవుతున్న విషయం మనకు తెలిసిందే.ఇక జపాన్ లో ప్రభాస్ కు విపరీతమైన ఫాన్ ఫాలోయింగ్ ఉందని చెప్పాలి.అయితే ప్రస్తుతం జపాన్ ( Japan )లో ప్రభాస్ నటించిన ఈ ఆది పురుష్ సినిమా విడుదల కాలేదు.ఇలా ఈ సినిమా విడుదల కాకపోవడంతో ఎలాగైనా ఈ సినిమాని చూడాలని ప్రభాస్ అభిమాని ఏకంగా జపాన్ నుంచి ఆది పురుష్ సినిమా చూడటం కోసం ఏకంగా సింగపూర్( Singapur ) వచ్చారు.
సింగపూర్లో ఈ సినిమా చూసి సదరు అభిమాని ఎంతో సంతోషం వ్యక్తం చేశారు.
ఇలా ప్రభాస్ సినిమా చూడటం కోసం జపాన్ నుంచి సింగపూర్ వచ్చిన అభిమాని పేరు నొడికో.ఈమె ప్రభాస్ వీరాభిమాని అట ప్రభాస్ సినిమా జపాన్ లో విడుదల కాకపోవడంతో తాను సింగపూర్ వచ్చానని చెబుతున్నటువంటి ఒక వీడియో ప్రస్తుతం సోషల్ మీడియాలో వైరల్ గా మారింది.ఇది చూసినటువంటి అభిమానులు ఇది కదా అభిమానం అంటే అంటూ పెద్ద ఎత్తున సంతోషం వ్యక్తం చేస్తున్నారు.
ఈ సినిమా అనుకున్న స్థాయిలో ఫలితాలను మాత్రం అందుకోలేకపోయింది.ఇక ఈ సినిమా తర్వాత ప్రభాస్ తన తదుపరి చిత్రం సలార్ సినిమా( Salar Movie) ద్వారా ప్రేక్షకుల ముందుకు రావడానికి సిద్ధంగా ఉన్నారు.
తెలుగు వార్త విశేషాలు సులభముగా తెలుసుకోండి!!!!
సినిమా కబుర్లు
టాప్ స్టోరీస్
క్రైమ్ న్యూస్
అవీ...ఇవి
ప్రత్యేకం
