ప్రభుత్వ వైద్య కళాశాల నిర్మాణ పనుల్లో వేగం పెంచాలని జిల్లా కలెక్టర్ వి.పి.
గౌతమ్ అన్నారు.గురువారం కలెక్టర్, పాత కలెక్టరేట్ లో ప్రభుత్వ వైద్య కళాశాల ఏర్పాటుకు చేపడుతున్న పునర్నిర్మాణ పనులను క్షేత్ర స్థాయిలో తనిఖీలు చేశారు.
టీచింగ్ గది, ఫిజియాలజి ల్యాబ్, హేమటాలజీ ల్యాబ్, బయో కెమిస్ట్రీ, మ్యూజియం, లెక్చర్ హాల్, పరిపాలన కార్యాలయం తదితరాలను పరిశీలించారు.పనుల పురోగతిని గురించి అడిగి తెలుసుకున్నారు.
పనులు వేగంగా జరుగుతున్నట్లు, ఈ నెలాఖరులోగా వైద్య కళాశాల కు సంబంధించి పనులు పూర్తికానున్నట్లు, హాస్టళ్లకు సంబంధించి పనులు జులై మొదటి వారంలోగా పూర్తి అవుతాయని అధికారులు కలెక్టర్ కు వివరించారు.పనులు ప్రతిరోజూ జరగాలని, వర్కర్లను పెంచాలని, అనుకున్న సమయానికి పనుల పూర్తికి చేయాలని కలెక్టర్ అన్నారు.
కలెక్టర్ తనిఖీ సందర్భంగా వైద్యాధికారులు, పనుల నిర్వహణ కాంట్రాక్టర్ తదితరులు ఉన్నారు.
