అలవికాని హామీలు: అమలు కు దారేది??

అదే రకంగా నిరుద్యోగ భృతి ( unemployment benefit )కూడా అలవిగాని హామినే ….అర్హతకు సంబంధం లేకపోయినా ఏదో ఒక పని చేసుకుంటూ బ్రతికే యువకులే తప్ప ఏ పని చేయకుండా ఖాళీగా ఉంటే రోజులు గడిచే పరిస్థితి ఇప్పుడు ఎక్కడా లేదు అలాంటప్పుడు నిరుద్యోగులను ఏ రకంగా నిర్వచిస్తారో చెప్పడం కష్టం.వాస్తవ చెప్పాలంటే ప్రభుత్వ ఉద్యోగాలనూ పెద్ద స్థాయిలో ఇవ్వటం కూడా కష్టమే.కాబట్టి ప్రైవేటు రంగాలలో వారి నైపుణ్యాలను మెరుగు పెట్టి వారి ఉద్యోగ అవకాశాలను పెంచితే ఆటోమేటిక్ గాని వారి ఆర్థిక పరిస్థితి మెరుగుపడుతుంది .అలాకాకుండా నిరుద్యోగ భృతి పేరుతో ఖజానాను పంచిపెడితే ,ఆర్థికంగా రాష్ట్రం దివాలా తీసే పరిస్థితికి వెళ్తుంది.ఒకప్పుడు వైసిపి ఇచ్చిన నవరత్నాల హామీలను విపరీతంగా విమర్శించిన తెలుగుదేశం పార్టీ వీటిని అమలు చేయాలంటే కొన్ని లక్షల కోట్లు కావాలని, దానికి రాష్ట్ర బడ్జెట్ కాక దేశ బడ్జెట్ కూడా సరిపోదు అంటూ అనేక విమర్శలు చేశారు .వాస్తవంలో కూడా వైసీపీ పార్టీ అమలు చేస్తున్న అనేక సంక్షేమ పథకాల వల్ల రాష్ట్రంపై విపరీతమైన భారం పడి ఆర్థికంగా రాష్ట్రం సతమతమవుతుంది .అయినప్పటికీ ప్రజలకు ఆ భారం తెలియకుండా మేనేజ్ చేస్తున్న వైసిపి ప్రభుత్వం ఎక్కువ కాలం మేనేజ్ చేయలేదని కూడా ఆర్థిక విశ్లేషణలు వస్తున్నాయి.అలాంటప్పుడు ఏ విమర్శలు అయితే తాము వైసిపి ప్రభుత్వం మీద చేశారో ఇప్పుడు అలాంటి హామీలనే ప్రజలకు ఇచ్చి అధికారం లోకి రావాలనుకోవడం పై తెలుగుదేశం పార్టీ విశ్వసనీయతను ప్రశ్నించేలా చేస్తుంది.

అయితే తన సంక్షేమ పథకాలలో ప్రజలలో ప్రత్యేక ఓట్ బ్యాంక్( Vote Bank ) తెచ్చుకున్న జగన్మోహన్ రెడ్డిని ఎదుర్కోవాలంటే వజ్రాన్ని వజ్రంతోనే కోయాలన్న ఫార్ములానే ఉపయోగించాలని ఆలోచిస్తున్న తెలుగుదేశం పార్టీ అధికారంలోకి వచ్చాక వాటి సంగతి చూసుకోవచ్చులే అన్న ఆలోచనతోనే ఇలాంటి హామీలను ఇచ్చినట్లుగా తెలుస్తోంది.ఏది ఏమైనా రాజకీయ అధికారమే పరమావధిగా ఆలోచిస్తున్నప్రస్తుత రాజకీయ పార్టీలు రాష్ట్ర భవిష్యత్తుకు గండికోడుతున్నాయని మాత్రం నిస్సందేహంగా చెప్పవచ్చు.