ఇండస్ట్రీలో నటుడిగా ఎంతో పేరు ప్రఖ్యాతలు సంపాదించుకున్న ప్రకాష్ రాజ్ ఈ మధ్యకాలంలో వరుస వివాదాలలో నిలుస్తున్నారు.గత కొద్ది రోజుల క్రితం పఠాన్ సినిమా బ్యాన్ చేయాలన్న వారిపై తనదైన శైలిలో వివాదాస్పద వ్యాఖ్యలు చేశారు.
అలాగే ఓ మీడియా సమావేశంలో భాగంగా ఈయన ది కాశ్మీర్ ఫైల్స్ సినిమా గురించి సంచలన వ్యాఖ్యలు చేశారు.ఇలా ఈ సినిమా గురించి మాట్లాడుతూ గత ఏడాది వచ్చిన అత్యంత చెత్త సినిమాలలో ది కాశ్మీర్ ఫైల్స్ సినిమా ఒకటి అని తెలిపారు.
ఇంటర్నేషనల్ జ్యూరీ కూడా ఈ సినిమాపై ఉమ్మేసింది.
ఇలాంటి చెత్త సినిమాలు కోసం దాదాపు కొన్ని కోట్ల రూపాయలు ఖర్చు చేసి ఉంటారు.ఇలాంటి సినిమా చేయడమే కాకుండా ఈ సినిమాకు ఆస్కార్ నామినేషన్ రాలేదని డైరెక్టర్ అడుగుతున్నారు.ఈ సినిమాకు ఆయనకు ఆస్కార్ కాదు కదా భాస్కర్ అవార్డు కూడా రాదంటూ ప్రకాష్ రాజ్ ది కాశ్మీర్ ఫైల్స్ సినిమా గురించి సంచలన వ్యాఖ్యలు చేశారు.
ఇలా ఈ సినిమా గురించి ప్రకాష్ రాజ్ ఇలాంటి వ్యాఖ్యలు చేయడంతో ఈ సినిమా డైరెక్టర్ వివేక్ అగ్నిహోత్రి స్పందించి తనదైన శైలిలో నటుడు ప్రకాష్ రాజ్ కి కౌంటర్ ఇచ్చారు.
ఈ క్రమంలోనే వివేక అగ్నిహోత్రి ట్విట్టర్ వేదికగా స్పందిస్తూ.జనాలు ఎంతగానో ఆదరించిన ఈ సినిమా అర్బన్ నక్సల్స్ కు నిద్ర లేకుండా చేసింది.అలాంటి సినిమాను చూసిన జనాలను కుక్కలంటూ సినిమా విడుదలైన ఏడాదికి ఇబ్బందిగా ఫీల్ అవుతున్నారు.
మిస్టర్ అంధకార్ రాజ్.భాస్కర్ అవార్డు ఎప్పటికీ మీదే అయినప్పుడు ఆ అవార్డును నేనెలా పొందగలను అంటూ వివేక్ అగ్నిహోత్రి ప్రకాష్ రాజుకు స్ట్రాంగ్ కౌంటర్ ఇచ్చారు.
ప్రస్తుతం ఈయన చేసినటువంటి ఈ కామెంట్స్ సోషల్ మీడియాలో వైరల్ అవుతున్నాయి.
