ఈ కిటుకులతో హోమ్ లోన్ భారాన్ని తగ్గించుకోవచ్చు..

కొన్ని నెలల నుంచి వడ్డీ రేట్లు పెరుగుతున్న వేళ లోన్ ఈఎంఐల సంఖ్య కూడా పెరుగుతూ పోతోంది.దీనివల్ల హోమ్ లోన్స్ మరింత భారంగా మారుతున్నాయి.

ఈ క్రమంలో హోమ్ లోన్ భారాన్ని తగ్గించే కొన్ని కిటుకులను ఆర్థిక నిపుణులు సూచిస్తున్నారు.అవేవో ఇప్పుడు తెలుసుకుందాం.

• ప్రీ-ఈఎంఐ:

హోమ్ లోన్ పొందకముందే బ్యాంక్‌లకు వడ్డీ కట్టడాన్నే ప్రీ-ఈఎంఐ అంటారు.లోన్ భారం తగ్గించుకోవడానికి ప్రీ-ఈఎంఐ హెల్ప్ అవుతుంది.

అయితే లోన్ డిస్‌బర్స్ కావడం లేటైతే మీరు కేవలం వడ్డీ కట్టడంలోనే ఉండిపోతారు.లోన్ వచ్చాక అసలైన ఈఎంఐ అంటే ప్రిన్సిపాల్ లోన్ అమౌంట్ + వడ్డీ కట్టడం భారంగా మారుతుంది.

అందుకే ముందే వడ్డీ కట్టనక్కర్లేదు.

• ఈఎంఐ రివ్యూ:

హోమ్ లోన్స్‌పై వడ్డీ రేటు ఆర్‌బీఐ పాలసీ రేట్లు మారిన ప్రతిసారీ మారుతుంటుంది.దీనివల్ల లోన్ టైమ్, ఈఎంఐ మారే ఛాన్స్ ఉంది.ఈ విషయాన్ని ప్రతి 3 నెలలకోసారి చెక్ చేసుకోవడం ద్వారా అందుకు అనుగుణంగా నిర్ణయాలు తీసుకోవచ్చు.

• వీలైనంత త్వరగా కట్టేయాలి:

హోమ్ లోన్ తీసుకున్నప్పుడు ఈఎంఐ మీరు కట్టగలిగే దానికి అనుగుణంగా ఉండొచ్చు.అయితే కొంతకాలం తర్వాత మీ జీతం పెరగడం వల్ల ఆ ఈఎంఐ కంటే ఎక్కువ కట్టగల శక్తి మీకు ఉంటుంది.అలాంటప్పుడు ఎక్కువగా డబ్బులు కట్టడం ద్వారా త్వరగా హోమ్ లోన్ తీర్చేయవచ్చు.అలాగే బోనస్‌లను ఈ అప్పు తీర్చడానికి వాడితే రుణకాలం తగ్గుతుంది.బ్యాంకులను కూడా రుణకాలం తగ్గించాలని అడగాలి.లోన్ వ్యవధి తగ్గితే ఆటోమేటిక్‌గా కట్టే వడ్డీ కూడా తగ్గుతుంది.

• ప్రీమెచ్యూర్ లోన్ క్లోజ్‌:

లోన్‌ను ప్రీమెచ్యూర్ గా క్లోజ్‌ చేయడానికి బదులుగా.ఆ డబ్బును ఇన్వెస్ట్‌ చేయడం ద్వారా ఎక్కువ డబ్బులు సంపాదించవచ్చు.ఇన్వెస్ట్‌మెంట్ రిటర్న్స్ లోన్‌కు కట్టే వడ్డీ రేటు కంటే ఎక్కువగా ఉండేలా చూసుకోవాలి.