బాలీవుడ్ బాద్షా షారుక్ ఖాన్ హీరోగా నటించిన సినిమాలు ప్రేక్షకుల ముందుకు వచ్చి చాలా కాలం అయింది.అయితే ఈ రోజు సినిమాల కోసం అభిమానులు కూడా ఎంతో ఆతృతగా ఎదురుచూస్తున్నారు.
ప్రస్తుతం రెండు సినిమాలు విడుదలకు సిద్ధంగా మరొక సినిమా కూడా షూటింగ్ పనులను శరవేగంగా జరుపుకుంటుంది.ప్రస్తుతం ఈయన పఠాన్ సినిమా ద్వారా ప్రేక్షకుల ముందుకు రావడానికి సిద్ధమయ్యారు.
ఈ సినిమా జనవరి 25వ తేదీ విడుదల కానుంది.
ఈ సినిమాతో పాటు కోలీవుడ్ డైరెక్టర్ అట్లీ దర్శకత్వంలో జవాన్ అనే సినిమాలో కూడా నటిస్తున్న సంగతి తెలిసిందే.
ఈ సినిమాలో షారుక్ ఖాన్ సరసన నయనతార నటించనున్నారు.ఈ సినిమా కూడా షూటింగ్ చివరి దశకు చేరుకుంది.ఈ సినిమాతో పాటు షారుక్ ఖాన్ రాజ్‌కుమార్ హిరాణి దర్శకత్వంలో ఓ సినిమా చేస్తున్నాడు.‘డుంకి’ పేరుతో తెరకెక్కుతున్న ఈ సినిమా ప్రస్తుతం సౌదీ అరేబియాలో షూటింగ్ పనులను జరుపుకుంటుంది.ఇక ఈ సినిమా షెడ్యూల్ చిత్రీకరణ పూర్తి కావడంతో ముస్లింల పవిత్ర నగరమైన మక్కాను సందర్శించారు.
ఇకపోతే షారుక్ ఖాన్ సౌదీ అరేబియా ఆతిథ్యం గురించి ఆ దేశ కల్చరల్ మినిస్ట్రీకి కృతజ్ఞతలు తెలుపుతూ ఓ వీడియో షేర్ చేశాడు.అనంతరం గురువారం మక్కా సందర్శించుకున్నారు.ఇందుకు సంబంధించిన ఫోటోలు వీడియోలు సోషల్ మీడియాలో వైరల్ అవుతున్నాయి.
నాలుగు సంవత్సరాలుగా షారుక్ నటించిన ఏ ఒక్క సినిమా విడుదల కాకపోవడంతో అభిమానులు పఠాన్ సినిమా కోసం ఎంతో ఆత్రుతగా ఎదురుచూస్తున్నారు.ఈ సినిమా పాన్ ఇండియా స్థాయిలో ప్రేక్షకుల ముందుకు రానుంది.
