ప్రజాప్రతినిధులు మీద కేసులు ఉపసంహరించుకుంటూ ఇచ్చిన జీవోలు అన్నింటినీ రాష్ట్ర ప్రభుత్వం ఉపసంహరించుకుంది.ప్రజాప్రతినిదులపై కేసు ఉపసంహరణకు సంబంధించి గురువారం హైకోర్టులో విచారణ జరిగింది.
ప్రజాప్రతినిధులు మీద కేసులు ఉపసంహరించారంటూ హైకోర్టు లో జర్నలిస్ట్ ఫోరమ్ అద్యక్షులు చెవుల కృష్ణజనేయులు ప్రజాప్రయోజన వ్యాజ్యం దాఖలు చేశారు.పిటిషనర్ తరుపున ప్రముఖ న్యాయవాది శ్రవణ్ కుమార్ వాదనలు వినిపించారు.
హైకోర్టు అనుమతి లేకుండా కేసులు ఎలా ఉపసంహరిస్తారని గతంలో ప్రభుత్వాన్ని ధర్మాసనం ప్రశ్నించింది.దీనిపై ప్రభుత్వం తరుపున ప్రమాణ పత్రం దాఖలు చేయమని హైకోర్టు ఆదేశాలు జారీ చేసింది.
హైకోర్టు ఆదేశాలతో తప్పని పరిస్థితులలో మొత్తం జీవోలను ప్రభుత్వం ఉపసంహరించుకుంది.ప్రభుత్వం కేసులు కొనసాగించడంతో ప్రజా ప్రయోజన వ్యాజ్యాన్ని ధర్మాసనం మూసివేసింది.
