తెలుగులో తక్కువ సినిమాలలోనే నటించినా నటుడిగా పాపులారిటీని సంపాదించుకున్న వాళ్లలో శ్రీరామ్ ఒకరనే సంగతి తెలిసిందే.తమిళంలో శ్రీకాంత్ గా ఫేమస్ అయిన ఈ నటుడు తెలుగులో శ్రీకాంత్ పేరుతో ఇప్పటికే పాపులర్ హీరో ఉండటంతో శ్రీరామ్ గా ఫేమస్ అయ్యారు.
ఒకరికి ఒకరు, ఆడవారి మాటలకు అర్థాలే వేరులే, పోలీస్ పోలీస్, దడ, నిప్పు సినిమాల ద్వారా శ్రీరామ్ క్రేజ్ ను పెంచుకున్నారు.
తాజాగా ఒక ఇంటర్వ్యూలో శ్రీరామ్ మాట్లాడుతూ తాను 17 సంవత్సరాల నుంచి ఒకే ఫోన్ నంబర్ ను వాడుతున్నానని అన్నారు.
టెన్త్ క్లాస్ డైరీస్ సినిమా ప్రమోషన్లలో భాగంగా శ్రీకాంత్ మాట్లాడుతూ ఈ విషయాలను వెల్లడించారు.కథను నమ్ముకుని నిర్మాత ఈ సినిమాను నిర్మించారని ఆయన వెల్లడించారు.క్వాలిటీ సినిమాను తెరకెక్కిస్తే ప్రేక్షకులు సినిమా రిజల్ట్ ను డిసైడ్ చేస్తారని శ్రీరామ్ చెప్పుకొచ్చారు.
లైఫ్ లో అన్నీ చెయ్యాలని అందువల్లే తాను హర్రర్ సినిమాలు చేశానని ఆయన వెల్లడించారు.
కథ నచ్చి సినిమాకు గ్రీన్ సిగ్నల్ ఇస్తామని షూట్ సమయంలో సినిమా రిజల్ట్ తెలిసినా యాక్ట్ చేయక తప్పదని ఆయన చెప్పుకొచ్చారు.హర్రర్ జానర్ మంచి జానర్ అని ఆయన తెలిపారు.
మనం చేసిన తప్పులను యాక్సెప్ట్ చేయాలని ఆయన వెల్లడించారు.తాను డైరెక్టర్ ఆర్టిస్ట్ అని ఆయన కామెంట్లు చేశారు.
స్నేహితులు సినిమాలోని సీన్లను సింగిల్ టేక్ లో పూర్తి చేశానని ఆయన తెలిపారు.లై, దడ సినిమాల కథలు అద్భుతంగా ఉన్నా ప్రేక్షకులకు నచ్చలేదని ఆయన పేర్కొన్నారు.పోలీస్ పోలీస్ సినిమా నాకెంతో ఇష్టమని విజయ్ తో కలిసి మళ్లీ సినిమా చేయాలని ఆయన అన్నారు.నేను నాగార్జునకు ఫ్యాన్ అని ఆయన తెలిపారు.2003 సంవత్సరం డిసెంబర్ 22వ తేదీన సాయంత్రం సాంగ్ సీక్వెన్స్ సమయంలో ఫైర్ యాక్సిడెంట్ జరిగిందని ఆ ఘటన వల్ల తాను 9 సినిమాలు మిస్ అయ్యానని ఆయన అన్నారు.ఈ ఘటన జరగడానికి తానే కారణమని ఆయన చెప్పుకొచ్చారు.
తెలుగు వార్త విశేషాలు సులభముగా తెలుసుకోండి!!!!
