జన్మలో టీవీ హోస్ట్ గా చెయ్యను.. నాని షాకింగ్ నిర్ణయం?

నాచురల్ స్టార్ నాని సినిమా ఇండస్ట్రీలోకి అసిస్టెంట్ డైరెక్టర్ గా ఎంట్రీ ఇచ్చి ఆ తర్వాత హీరోగా నటిస్తూ ఎన్నో అద్భుతమైన విజయాలను అందుకొని ప్రస్తుతం వరుస సినిమాలతో పెద్ద బిజీగా గడుపుతున్నారు.

నాని కేవలం వెండితెరపై మాత్రమే కాకుండా బుల్లితెరపై బిగ్ బాస్ సీజన్ 2 కి హోస్ట్ గా వ్యవహరించారు.

ఈ రియాలిటీ షో తర్వాత నాని ఏ విధమైనటువంటి కార్యక్రమాలలో, ఎలాంటి రియాల్టీ షోలకు వ్యాఖ్యాతగా వ్యవహరించలేదు.కేవలం తన దృష్టి మొత్తం సినిమాల పై ఉంచి వరుస సినిమాలతో బిజీగా ఉన్నారు.

ఈ క్రమంలోనే ఓ ఇంటర్వ్యూలో మాట్లాడిన నానికి బుల్లితెర పై మరోసారి కనిపించే అవకాశం ఉందా? అన్న ప్రశ్న ఎదురయింది.ఈ ప్రశ్నకు నాని స్పందిస్తూ "ఇకపై ఎప్పుడూ కూడా టీవీలో కనిపించను.

అలాంటి ప్లాన్స్ ఏమీ లేవని ఇది వరకే తెలియజేశాను అంటూ" సమాధానం చెప్పుకొచ్చారు.అదేవిధంగా తను ఉదయం నిద్ర లేచినప్పటినుంచి పడుకునే వరకు సినిమా గురించి ఆలోచిస్తానని, అలాంటి నాకు బిగ్ బాస్ గురించి ఆలోచించాలంటే భారం అవుతుందని ఈ కార్యక్రమాన్ని నాకన్న నాగార్జున గారు ఎంతో సమర్థవంతంగా చేస్తున్నారంటూ నాని తెలియజేశారు.

అయితే బిగ్ బాస్ కార్యక్రమానికి హోస్ట్ గా వ్యవహరించినందుకు తనకు సహనం ఎంతో నేర్పిందని, అది నా జీవితంలో ఎంతో ప్రత్యేకమైన అనుభవం అంటూ నాని తెలియజేశారు.ఇప్పటికీ ఈ షో ప్రారంభమవుతున్న సమయంలో చాలామంది మళ్లీ ఈ కార్యక్రమానికి హోస్ట్ గా ఎప్పుడు చేస్తారంటూ మెసేజీలు చేస్తూ సోషల్ మీడియాలో పోస్టులు పెట్టినప్పుడు చాలా హ్యాపీగా అనిపిస్తుందని ఇంటర్వ్యూ సందర్భంగా నాని వెల్లడించారు.