30 రోజుల్లో ప్రేమించడం ఎలా ఫైనల్‌ బాక్సాఫీస్‌ రిపోర్ట్‌

ప్రదీప్‌ హీరోగా మున్నా దర్శకత్వంలో రూపొందిన 30 రోజుల్లో ప్రేమించడం ఎలా సినిమా ఇటీవలే ప్రేక్షకుల ముందుకు వచ్చింది.

గత ఏడాదే విడుదల అవ్వాల్సి ఉన్న ఈ సినిమా కరోనా కారణంగా వాయిదాల మీద వాయిదాలు పడుతూ వచ్చింది.

ఎట్టకేలకు ఇటీవలే ఈ సినిమా విడుదల అయ్యింది.భారీ ఎత్తున ఈ సినిమాలోని పాట సక్సెస్‌ అయ్యింది.

దాంతో సినిమా పై అంచనాలు బాగా నమోదు అయ్యాయి.అందుకే ఈ సినిమాను కూడా ప్రేక్షకులు ఆధరించడం జరుగుతుందని అంతా భావించారు.

కాని సినిమా నిరాశ పర్చింది.సినిమా కు వచ్చిన హైప్‌ కారణంగా ఏకంగా ఈ సినిమా 10 కోట్లకు పైగా వసూళ్లు సాధించినట్లుగా సమాచారం అందుతోంది.ఈ సినిమా బ్రేక్ ఈవెన్‌ అమౌంట్‌ కేవలం 5.5 కోట్లు మాత్రమే.మిగిలిన మొత్తం కూడా నిర్మాత లాభాలు దక్కించుకున్నట్లుగా సమాచారం అందుతోంది.

ఈ సినిమా మొదటి వారం రోజులు మంచి ఆక్యుపెన్సీని దక్కించుకున్నట్లుగా వార్తలు వచ్చాయి.ఆ తర్వాత పెద్దగా ప్రేక్షకులు ఈసినిమాను ఆధరించడం లేదు.

దాంతో ఈ సినిమాకు కలెక్షన్స్‌ తగ్గాయి.అయినా కూడా నిర్మాత దాదాపుగా అయిదు కోట్ల వరకు లాభాలను దక్కించుకున్నాడు.

అంటే ఈ సినిమా ఓవరాల్ గా మంచి విజయాన్ని సాధించినట్లే అంటున్నారు.ప్రస్తుతం సినిమాకు సంబంధించిన శాటిలైట్‌ స్ట్రీనింగ్‌ కోసం ప్రేక్షకులు ఎదురు చూస్తున్నారు.

అలాగే ప్రముఖ ఓటీటీ ఈ సినిమాను స్ట్రీమింగ్ చేసేందుకు రైట్స్‌ ను కొనుగోలు చేసినట్లుగా సమాచారం అందుతోంది.ఈ సినిమాలో హీరోయిన్‌ గా నటించిన అమృత అయ్యర్‌ కు ప్రస్తుతం టాలీవుడ్‌ లోమంచి ఆఫర్లు వస్తున్నాయి.

ఇక ఈ సినిమా లో ఆది కామెడీతో పాటు వైవా హర్ష కామెడీ గురించి ప్రేక్షకులు ప్రత్యేకంగా చెప్పుకుంటున్నారు.ఇక ఈ సినిమా తర్వాత ప్రదీప్ సినిమాలు చేస్తాడా హీరోగా కంటిన్యూ అవుతాడా అంటూ అంతా ఆసక్తిగా ఎదురు చూస్తున్నారు.