జగన్ నెలరోజుల పాలన ఎలా ఉంది ? అంతా సంచలనమేనా ?

ముఖ్యమంత్రిగా జగన్‌ 30 రోజుల్లో 30 సంచలన నిర్ణయాలు తీసుకున్నారనే చెప్పుకోవాలి.ఎన్నికల ముందు తాను ఏం చెప్పారో వాటిని పక్కాగా అమలు చేయాలన్న గట్టి పట్టుదలతో ఉన్న జగన్‌ తొలి పథకం కింద ఈ రబీ సీజన్‌ నుంచే వైఎస్సార్‌ రైతు భరోసా పథకాన్ని పట్టాలెక్కించారు.పెట్టుబడి సాయం కింద ప్రతి రైతు కుటుంబానికి 12,500 అందుకోసం రూ.13,125 కోట్లు వెచ్చించాలని నిర్ణయించారు.పింఛన్లను దశల వారీగా 3 వేలకు పెంచుకుంటూ పోతామన్న ఎన్నికల హామీని అమలు చేస్తూ తొలి దశలో పింఛన్‌ను రూ.2,250కు పెంచారు.ఇక వృద్ధాప్య పింఛన్ల అర్హత వయసును 65 ఏళ్ల నుంచి 60 ఏళ్లకు తగ్గించారు.ఆశావర్కర్ల జీతాలు రూ.3 వేల నుంచి రూ.10 వేలకు పెంచారు.అంగన్‌వాడీ కార్యకర్తల జీతాలు 11,500కు పెంచడంతో రాష్ట్రంలో 55 వేల మందికి ప్రయోజనం కల్పించారు.

పారిశుధ్య కార్మికుల జీతాలు ఏకంగా 18 వేలకు పెంచారు.హోంగార్డులు, డ్వాక్రా యానిమేటర్లు, రిసోర్స్‌పర్సన్ల జీతాలు కూడా పెంచేశారు.

ఇలా చెప్పుకుంటూ పోతే ఈ ముప్పై రోజుల్లో అనేక సంచలన నిర్ణయాలతో జగన్ రికార్డు సృష్టించారని చెప్పాలి.