బాలయ్య ముందు ఇది కానివ్వు.. తర్వాత దాని గురించి ఆలోచించు

మామూలుగా అయితే స్టార్‌ హీరోలు తాము ఏదైనా పెద్ద సినిమా చేసేప్పుడు తర్వాత సినిమా గురించి ఆలోచించరు.ప్రస్తుతం పెద్దా చిన్నా అనే తేడా లేకుండా ఎక్కువ మంది హీరోలు ఒకదాని తర్వాత ఒకటి అన్నట్లుగా వ్యవహరిస్తున్నారు.కాని ‘ఎన్టీఆర్‌’ చిత్రం పూర్తి కాకుండానే బాలయ్య తన తదుపరి చిత్రాన్ని మొదలు పెట్టాలని ఆశ పడుతున్నాడు.

మొన్నటి వరకు వినాయక్‌ దర్శకత్వంలో బాలయ్య ఒక చిత్రాన్ని చేసేందుకు ఒకే చెప్పాడు.అయితే కథ విషయంలో కాస్త తేడా కొట్టడంతో ఆ కథను మార్చమంటూ వినాయక్‌కు సూచించాడు.

ఈ సమయంలోనే బోయపాటి దర్శకత్వంలో కూడా బాలయ్య ఒక చిత్రాన్ని చేసేందుకు సిద్దం అవుతున్నట్లుగా తెలుస్తోంది.

ప్రస్తుతం రామ్‌ చరణ్‌తో ఒక చిత్రాన్ని చేస్తున్న బోయపాటి శ్రీనివాస్‌ తన తదుపరి చిత్రాన్ని బాలయ్యతో చేయబోతున్నట్లుగా ప్రకటించాడు.

బాలయ్య ఇలా ‘ఎన్టీఆర్‌’ మూవీ పూర్తి అవ్వకుండానే అప్పుడే మరో సినిమాను మొదలు పెట్టడం వల్ల ఇబ్బంది ఏర్పడే అవకాశం ఉందని అనిపిస్తుంది.ఎన్టీఆర్‌ చిత్రంపై ఎక్కువ ఫోకస్‌ పెట్టాల్సిన అవసరం ఉందని, ఎప్పుడు కూడా ఇలాంటి ప్రతిష్టాత్మక చిత్రం చేసే సమయంలో మరో సినిమా గురించి ఆలోచన చేయక పోవడం మంచిదని ఫ్యాన్స్‌ కూడా బాలయ్యకు సలహా ఇస్తున్నారు.

బాలకృష్ణ 100వ చిత్రం ‘గౌతమిపుత్ర శాతకర్ణి’ సమయంలో మరే సినిమాకు కమిట్‌ కాలేదు.అందుకే మొత్తం ఫోకస్‌ అంతా ఆ చిత్రంపైనే పెట్టాడు.అందుకే ఆ చిత్రం మంచి విజయాన్ని దక్కించుకుందని, ఇప్పుడు కూడా ఎన్టీఆర్‌ చిత్రంపైనే బాలయ్య ఫోకస్‌ చేయాలని అంతా కోరుకుంటున్నారు.మరి బాలకృష్ణ మాత్రం ఎన్టీఆర్‌ చిత్రం ఆన్‌ సెట్స్‌ ఉన్న సమయంలోనే మరో సినిమాను చేసేందుకు సిద్దం అవుతున్నాడు.

ఇది ఏ మేరకు ఎన్టీఆర్‌పై ప్రభావం చూపుతుందో చూడాలి.