జనసేనానికి సేఫ్ ప్లేస్ ఎక్కడ ...పోటీ చేయబోయేది ఇక్కడేనా..

వచ్చే ఎన్నికల్లో రెండు నియోజకవర్గాల నుంచి జనసేన అధినేత బరిలోకి దిగబోతునట్టు పార్టీ వర్గాలు చెప్పుకుంటున్నాయి.అవి ఎక్కడ ఎక్కడ నుంచి అంటే.ఒకటి రాయలసీమ లోని అనంతపురం అని లెక్కేస్తుంటే మరొకటి పశ్చిమ గోదావరి జిల్లా కేంద్రం ఏలూరు అంటున్నారు.

ప్రస్తుతం పశ్చిమ గోదావరి జిల్లాలో పర్యటిస్తున్న పవన్ ఏలూరు, భీమవరం ప్రాంతాల్లోని సమస్యలనే ప్రధానంగా ప్రస్తావిస్తూ వస్తున్నారు.అదీ కాకుండా హైదరాబాద్ లో వున్న పవన్ ఓటర్ కార్డు అడ్రెస్ ఏలూరు కి మార్పు చేయించేసాడు.

పవన్ ఉత్తరాంధ్ర నుంచి పోటీ చేయాలని కూడా ఆ పార్టీ అభిమానుల నుంచి వత్తిడి వస్తుందంటున్నారు.ఏపీలో వెనుకబడిన జిల్లాల పై ప్రధానంగా దృష్టి పెట్టిన జనసేన అధినేత ఇప్పటికే రాయలసీమలో ఉత్తరాంధ్రలో పర్యటనలు పూర్తి చేసేసారు.

మరోపక్క పవన్ కి పట్టున్న గోదావరి జిల్లాల్లో ఎక్కువ సీట్లు సాధించాలంటే తూర్పు, పశ్చిమలో ఒక చోట నుంచి బరిలోకి దిగాలని జనసేన వ్యూహ కర్తలు సూచిస్తున్నట్లు తెలుస్తోంది.