12 ఏళ్ల వయస్సులోనే ఆ బిజినెస్ తో లక్షల్లో సంపాదిస్తున్న చిన్నారి.. గ్రేట్ అంటూ?

మామూలుగా 12 ఏళ్ల వయసు పిల్లలు ఆ సమయంలో ఏం చేస్తుంటారు అంటే మహా అయితే చదువుకోవడం ఫ్రెండ్స్ తో కలిసి ఆడుకోవడం లాంటివి చేస్తూ ఉంటారని చెప్పవచ్చు.

అలాంటిది ఒక 12 ఏళ్ల చిన్నారి ఏకంగా బిజినెస్ లు చేస్తూ చిన్నారి వ్యాపారవేత్తగా గుర్తింపు తెచ్చుకుంది.

వినడానికి ఆశ్చర్యంగా ఉన్న ఇది నిజం.ఇంతకీ ఆ చిన్నారి ఎవరు ఆ చిన్నారి ఎలాంటి ఘనతను సాధించింది అన్న వివరాల్లోకి వెళితే.

చిన్నారి వ్యాపారవేత్త పేరు కేశిక( Keshika )ఆమె ఎనిమిదవ తరగతి చదువుతున్న సమయంలో లాక్ డౌన్ రావడంతో ఏం చేయాలో తెలియక ఎటు వెళ్ళాలో పాలు పోక కాలక్షేపం అవ్వడానికి ఏదైనా చేయాలని అనుకుంది.అలాంటి సమయంలో ఆన్లైన్లో బేకింగ్ వీడియోలో ఆకర్షించడంతో సరదాగా వంటలు నేర్చుకుంది.

అలా ఆ లాక్ డౌన్ సమయంలోనే ఊరగాయల నుంచి కేకుల వరకు చాలా ఐటెం లను తయారు చేయడం నేర్చుకుంది.అలా ఆమె ప్రతిభ చూసి ఆమె అక్క సొంతంగా బ్రాండ్ పెట్టవచ్చు కదా అని సలహా ఇవ్వడంతో కేస్ కిచెన్ అనే ఒక వ్యాపారాన్ని ప్రారంభించింది కేశిక.

అయితే ఆ వ్యాపారం మొదలు పెట్టినప్పటికీ ఆమె వయసు 12 సంవత్సరాలు మాత్రమే.ఆమెది చెన్నై.

నైపుణ్యం పెంచుకోవడానికని బేకింగ్‌లో మాస్టర్స్‌నీ పూర్తిచేసింది.ఒక వైపు చదువుతూనే వ్యాపారం నిర్వహించింది.

తెలిసిన వాళ్ల దగ్గర్నుంచి పుట్టినరోజులు, పెళ్లిళ్లకు కేకులు చేసిచ్చే స్థాయికి చేరింది.అలా కొద్దికాలంలోనే తన బ్రాండ్‌కి చెన్నైలో గుర్తింపు తెచ్చుకుంది.

అంతా బాగా సాగుతోంటే తరగతులు ప్రారంభమయ్యాయి.అయినా కూడా వెనుకడుగు వేయకుండా ఒకవైపు స్కూల్ కి వెళుతూనే తన బ్రాండ్ ని కాపాడుతూ వ్యాపారాన్ని కొనసాగించుకుంటూ వచ్చింది.