ఈ ఎన్నికలపై వైసీపీ టెన్షన్ టెన్షన్ ! అందరిపైనా నిఘా ? 

మొన్నటి వరకు గెలుపు ధీమా తో ఉంటూ వస్తున్న ఏపీ అధికార పార్టీ వైసీపీ( YCP )కి ఇటీవల వెలువడిని ఎమ్మెల్సీ ఎన్నికల ఫలితాలు దిమ్మతిరిగేలా చేశాయి.

ఏపీలో పెద్ద ఎత్తున సంక్షేమ పథకాలు అమలు చేస్తున్నామని , ప్రతి ఒక్కరికి ప్రభుత్వం తరఫున ఏదో రకంగా లబ్ధి చేకూరుతుందని , దీంతో తమకు 2024 ఎన్నికల్లోను తిరుగు ఉండదని , మరో ముప్పై ఏళ్ల పాటు వైసిపి నే అధికారంలో ఉంటుందనే ధీమా తో ఉంటూ వచ్చిన జగన్( JAGAN ) కు ఝలక్ తగిలింది.

  ఇటీవల వెలువడిన ఎమ్మెల్సీ ఎన్నికల ఫలితాలలో మూడు స్థానాలను టిడిపి గెలుచుకుంది.ఆ గెలుపు ఉత్సాహంలో ఉన్న టిడిపి వైసిపిని మరింత ఇరుకున పెట్టే విధంగా ఎన్నికల ఫలితాలను తమకు అనుకూలంగా మార్చుకుని ప్రచారానికి దిగుతోంది.2024 ఎన్నికల్లో గెలిచేది తామేనని , దానికి ఇదే సంకేతాలని , వైసిపి ప్రభుత్వంపై జనాల్లో తీవ్ర వ్యతిరేకత ఉంది అనే విషయం ఎన్నికల ఫలితాలతో రుజువైందని టిడిపి ప్రచారం చేసుకుంటుంది.దీంతో  వైసిపి అలర్ట్ అయింది.

  ప్రస్తుతం ఎమ్మెల్యే కోటా ఎమ్మెల్సీ ఎన్నికలు ఈనెల 23న జరగబోతున్నాయి.  దీంతో ఏడు స్థానాలకు జరగబోయే ఎన్నికల్లో అన్ని స్థానాలను గెలుచుకోవాలని వైసిపి టార్గెట్ పెట్టుకుంది టిడిపి ఒక్క ఎమ్మెల్సీ స్థానానికి పంచుమర్తి అనురాధను అభ్యర్థిగా నిలబెట్టింది.