సైన్స్ ఫిక్షన్(Science fiction) సినిమాలో చూసే సీన్ ఇది అనుకుంటే పొరపాటే.టెక్నాలజీ ఎంతగానో అభివృద్ధి చెందింది.
అందుకే టిల్లీ అనే 19 ఏళ్ల అమ్మాయి (19-year-old girl named Tilly)ఇప్పుడు ప్రపంచంలోనే అడ్వాన్స్‌డ్ వైర్‌లెస్ బయోనిక్ చేతుల్ని వాడుతోంది.ఈ చేతులు చూడ్డానికి అద్భుతంగా ఉండటమే కాదు.
ఎంతోమంది జీవితాల్ని మారుస్తున్నాయి కూడా.
చిన్నప్పుడే మెనింజైటిస్ వ్యాధి రావడంతో టిల్లీ (Tilly)తన రెండు చేతుల్ని పోగొట్టుకుంది.
కానీ ఇప్పుడు ఆమె ఆశకి, టెక్నాలజీ పురోగతికి నిదర్శనంగా నిలుస్తోంది.టీవీ షో ‘దిస్ మార్నింగ్’లో టిల్లీ(Tilly on ‘This Morning’), ఈ చేతుల్ని డిజైన్ చేసిన జోతో కలిసి సందడి చేసింది.
లేటెస్ట్ వెర్షన్ ఎలా పనిచేస్తుందో అందరికీ చూపించింది.కొత్త మోడల్‌ని గర్వంగా చూపిస్తూ టిల్లీ “ఇవి బ్రాండ్ న్యూ ‘హీరో ప్రో’ చేతులు.
ఇంతకుముందు ‘హీరో ఆర్మ్’ ఉండేది.ఇది మాత్రం నెక్స్ట్ లెవెల్” అని చెప్పింది.
ఇవి కూడా 3D ప్రింటింగ్‌తోనే(3D printing) తయారయ్యాయని, కండరాల కదలికలతోనే పనిచేస్తాయని చెప్పింది.కానీ కొత్త వెర్షన్‌లో చాలా ఫీచర్లు ఉన్నాయని, కంట్రోల్ కూడా చాలా బాగుందని తెలిపింది.
అవి ఎలా పనిచేస్తాయో చూపించడానికి టేబుల్ మీద ఉన్న గ్లాసును చాలా తేలిగ్గా తీసుకుంది టిల్లీ(Tilly).ఈ బయోనిక్ చేతులు ఆమె కండరాలు కదిలిస్తే చాలు, వెంటనే స్పందిస్తాయి.“ఇందులో రెండు మజిల్ సెన్సార్లు ఉంటాయి.నేను పిడికిలి బిగిస్తే చేయి మూసుకుంటుంది, వదిలేస్తే తెరుచుకుంటుంది.ఇంకా రకరకాల గ్రిప్ మోడ్స్‌లోకి కూడా మార్చుకోవచ్చు,” అని వివరించింది.
చేతి కండరాలతో కంట్రోల్ చేసినా, అసలు సిగ్నల్స్ మాత్రం ఆమె మెదడు నుంచే వస్తాయి.అంటే ఒక రకంగా చెప్పాలంటే, టిల్లీ మనసే ఆ బయోనిక్ చేతుల్ని ఆడిస్తోంది.ఆమె కండరాల్లో జరిగే చిన్న కదలికల్ని సెన్సార్లు పసిగడతాయి.
దాంతో టిల్లీ పనులు సులువుగా చేసుకుంటోంది.టిల్లీ ఆ బయోనిక్ చేతిని తీసేసినా కూడా వైర్‌లెస్‌గా కంట్రోల్ చేసింది.
అంతేకాదు, టేబుల్ మీద ఆ చేయిని నడిపించి అందర్నీ షాక్‌కి గురి చేసింది.చూసిన వాళ్లంతా అవాక్కయ్యారు.
నెటిజన్లు అయితే నోరెళ్లబెట్టారు.ఒక యూజర్ సరదాగా కామెంట్ చేస్తూ, “ఇది ‘ది ఆడమ్స్ ఫ్యామిలీ’ (The Addams Family’)సినిమాలో ‘థింగ్’లా ఉంది.
” అని అన్నాడు.మరొకరు మాత్రం, “నిజమైన టెక్నాలజీ అంటే ఇదే.మనుషులు మంచిగా బతకడానికి ఉపయోగపడాలి,” అని మెచ్చుకున్నారు.టిల్లీ కథ చూస్తే ఒకప్పుడు అసాధ్యం అనుకున్నది ఇప్పుడు నిజమైందనిపిస్తుంది.
