ఆరోగ్యాన్నిచ్చే ఆల్ బుఖారా.. వర్షాకాలంలో దొరికే ఈ పండ్లను మిస్ అయ్యారో చాలా నష్టపోతారు!

ప్రస్తుత వర్షాకాలంలో విరివిరిగా లభ్యమయ్యే పండ్లలో ఆల్ బుఖారా( All Bukhara ) ముందు వ‌రుస‌లో ఉంటుంది.

ఎర్రటి రంగులో ఆపిల్ పండులా, ఆకారంలో ట‌మాటోలా ఉండే ఆల్ బుఖారా రుచి పరంగా మాత్రం కొంచెం వగరుగా మరికొంచెం పుల్లగా ఉంటుంది.

పోషకాల గురించి ప్రత్యేకంగా చెప్పక్కర్లేదు.అనేక విటమిన్లు, మినరల్స్, యాంటీ ఆక్సిడెంట్స్, పాలీఫెనాల్స్ మరియు కెరోటినాయిడ్ సమ్మేళనాలు( Carotenoid ) ఈ పండులో మెండుగా ఉంటాయి.

వర్షాకాలంలో ఆల్ బుఖారా పండ్లను తినడం మిస్సయ్యారో చాలా నష్టపోతారు.ఎందుకంటే, ఆల్ బుఖారా పండ్లు మ‌న ఆరోగ్యాన్ని పెంచ‌డానికి ఎంత‌గానో స‌హాయ‌ప‌డ‌తాయి.

ఆల్ బుఖారా పండులో విటమిన్ కె, కాపర్, పొటాషియం ( Vitamin K, Copper, Potassium )మరియు కాల్షియం వంటి పోషకాలు ఉంటాయి.ఇవి ఎముక ఖనిజ సాంద్రతను పెంచుతాయి.

ఎముక‌ల‌ను బ‌లోపేతం చేస్తాయి.అలాగే ఆల్ బుఖారా యాంటీ-డయాబెటిక్ లక్షణాలను క‌లిగి ఉంటుంది.

ఆల్ బుఖారా పండ్లు రక్తంలో గ్లూకోజ్ స్థాయిని గణనీయంగా తగ్గిస్తాయని ఒక అధ్యయనం కనుగొంది.కాబ‌ట్టి మ‌ధుమేహం ఉన్న‌వారు మితంగా ఈ పండును తీసుకుంటే చాలా మంచిది.