Rajnath Singh : పొత్తులపై ఈయనైనా క్లారిటీ ఇస్తారా ? 

ఏపీలో ఎన్నికల సమయం దగ్గర పడిన నేపథ్యంలో పొత్తుల విషయంలో బిజెపి వైఖరి ఏమిటనేది ఎవరికి అంతుపట్టడం లేదు టిడిపి, జనసేన( TDP, Jana Sena) పార్టీ పొత్తులు పెట్టుకున్నాయి.

జనసేనతో బిజెపి పొత్తు కొనసాగిస్తుంది.

అయితే టిడిపి ,జనసేన కూటమిలో బిజెపి చేరేందుకు ముందుగా సానుకూలత వ్యక్తం చేసినట్టుగా సంకేతాలు ఇచ్చింది.ఈ మేరకు టిడిపి అధినేత చంద్రబాబును ఢిల్లీ రావాల్సిందిగా కేంద్ర హోం మంత్రి అమిత్ షా( Amit Shah) ఆహ్వానించారు.

అయన ఆహ్వానం మేరకు ఢిల్లీకి వెళ్లి పొత్తుల విషయమై చంద్రబాబు చర్చించారు.ఇక ఆ తర్వాత ఏం జరిగిందో ఏంటో తెలియదు కానీ, టిడిపి ఇటు బిజెపి సైలెంట్ అయిపోయాయి.

అసలు పొత్తు పెట్టుకునే ఉద్దేశం ఉందో లేదో బిజెపి అగ్ర నేతలు ఎవరు క్లారిటీ ఇవ్వడం లేదు.ఈ విషయం లో ఇంకా క్లారిటీ రాకపోవడంతోనే అటు టిడిపి అధినేత చంద్రబాబు, ఇటు జనసేన అధినేత పవన్ కళ్యాణ్ బిజెపి నిర్ణయం కోసం ఎదురుచూస్తూనే ఉన్నారు.

ఇప్పటికే ఈ రెండు పార్టీలు మొదటి విడత అభ్యర్థుల జాబితాను ప్రకటించాయి.