యంగ్ హీరో విశ్వక్ సేన్ నటించిన తాజా మూవీ ‘హిట్’ రిలీజ్‌కు ముందే మంచి అంచనాలను క్రియేట్ చేసింది.ఈ సినిమాను నేచురల్ స్టార్ నాని ప్రొడ్యూస్ చేస్తున్నాడనే ఒక్క అంశంతో ఈ సినిమా ఇండస్ట్రీ వర్గాలతో పాటు ప్రేక్షకుల్లో కూడా మంచి అంచనాలను క్రియేట్ చేసింది.
ఇక ఈ సినిమా ఔట్ అండ్ ఔట్ సస్పెన్స్ థ్రిల్లర్ మూవీగా రావడంతో ఈ సినిమా ప్రేక్షకులను అలరించడంలో సక్సెస్ అయ్యింది.ముఖ్యంగా సస్పెన్స్ జోనర్‌ అంటే ఇష్టపడే వారికి ఈ సినిమా ఓ మంచి విందులా అనిపించింది.
శైలేష్ కొలను తెరకెక్కించిన ఈ సినిమా అన్ని వర్గాల ప్రేక్షకులను అలరించడంలో సక్సెస్ కావడం, బాక్సాఫీస్ వద్ద పెద్దగా సినిమాలు లేకపోవడంతో హిట్ సినిమాను చూసేందుకు జనాలు ఆసక్తి చూపించారు.ఇక ఈ సినిమా రిలీజ్ అయిన 6 రోజుల్లో ప్రపంచవ్యాప్తంగా ఏకంగా రూ.5.70 కోట్ల మేర షేర్ వసూళ్లు సాధించింది.
చిన్న సినిమాగా వచ్చిన ఈ మూవీ ఇంతమేర కలెక్ట్ చేయడంతో ఈ సినిమాకు సీక్వెల్ తీసే పనిలో పడ్డారు చిత్ర నిర్మాత నాని.ఈ సినిమాకు సంబంధించిన సీక్వెల్ పార్ట్‌ను అతి త్వరలో తెరకెక్కించేందుకు చిత్ర యూనిట్ రెడీ అవుతోంది.
ఇక ఏరియాల వారీగా ఈ సినిమా 6 రోజుల్లో కలెక్ట్ చేసిన వసూళ్ల వివరాలు ఈ విధంగా ఉన్నాయి.
నైజాం – 2.54 కోట్లు
సీడెడ్ – 0.39 కోట్లు
గుంటూరు – 0.31 కోట్లు
ఉత్తరాంధ్ర – 0.47 కోట్లు
ఈస్ట్ – 0.23 కోట్లు
వెస్ట్ – 0.20 కోట్లు
కృష్ణా – 0.26 కోట్లు
నెల్లూరు – 0.13 కోట్లు
టోటల్ ఏపీ+తెలంగాణ – 4.53 కోట్లు
రెస్టాఫ్ ఇండియా – 0.21 కోట్లు
రెస్టాఫ్ వరల్డ్ – 0.96 కోట్లు
టోటల్ వరల్డ్ వైడ్ – 5.70 కోట్లు
.
