ఒక పోలీస్ అధికారి( Police Officer ) ఏసీ బోగీలో టికెట్ లేకుండా ప్రయాణిస్తూ అడ్డంగా బుక్ అయిపోయాడు.అంతేకాదు, ఒక స్ట్రిక్ట్ టీటీఈ (ట్రావెలింగ్ టికెట్ ఎగ్జామినర్) అతన్ని వదిలిపెట్టకుండా నిలదీయడంతో సీన్ మొత్తం రచ్చ రచ్చ అయింది.
ఈ తతంగాన్ని ఎవరో వీడియో తీసి సోషల్ మీడియాలో పెట్టడంతో అది కాస్తా తెగ వైరల్ అవుతోంది.
రెడిట్లోని r/IndianRailways అనే గ్రూప్లో ఈ వీడియో మొదటగా దర్శనమిచ్చింది.
వీడియోలో టీటీఈ.( TTE ) పోలీస్ అధికారిని ప్రశ్నలతో ఉక్కిరిబిక్కిరి చేస్తున్నాడు.“యూనిఫామ్ వేసుకుంటే రైలు ప్రయాణం ఉచితమా ఏంటి? పోలీసునని టికెట్ అడగకూడదా? మీకు జనరల్ టికెట్ కూడా లేదు, కానీ ఏసీ బోగీలో( AC Coach ) కూర్చున్నారు.ఇది మీ ఇల్లా అనుకుంటున్నారా?” అంటూ టీటీఈ గట్టిగా నిలదీశాడు.
ఇంకాస్త ఘాటుగా.“మీరు స్లీపర్ క్లాస్లో కూడా ఉండకూడదు, ఇక ఏసీ సంగతి దేవుడెరుగు.వెంటనే జనరల్ బోగీకి వెళ్లండి” అని తేల్చి చెప్పేశాడు.ఈ వీడియో ఆన్లైన్లో పెద్ద చర్చకు దారితీసింది.చాలా మంది నెటిజన్లు టీటీఈ తీసుకున్న కఠిన చర్యను సమర్ధిస్తున్నారు.ఓ నెటిజన్ కామెంట్ చేస్తూ, “ఎయిర్పోర్టుల్లో ఉన్నట్టు, టికెట్ ఉన్నవాళ్లనే రైల్వే స్టేషన్లలోకి కూడా అనుమతించేలా ఒక సిస్టమ్ ఉండాలి” అని అభిప్రాయపడ్డాడు.
మరొక యూజర్ తన అనుభవాన్ని పంచుకుంటూ, “నేను సబర్మతి నుంచి జైపూర్ వరకు 3ACలో ప్రయాణిస్తున్నా.ఇద్దరు పోలీసులు మా బోగీలో వచ్చి కూర్చున్నారు.మేం ఫులేరా జంక్షన్లో స్నాక్స్ కోసం దిగినప్పుడు, వాళ్ళు మాకు తెలియకుండా డోర్ మూసేశారు.మళ్లీ బోగీ ఎక్కడానికి వేరే కోచ్ వరకు పరిగెత్తాల్సి వచ్చింది” అని వాపోయాడు.
భారతీయ రైల్వే( Indian Railways ) నిబంధనల ప్రకారం, టికెట్ లేకుండా ప్రయాణిస్తే కనీసం రూ.250 జరిమానా విధిస్తారు.టికెట్ ఎగ్జామినర్లు, ప్రయాణికులు తమ టికెట్తో పాటు సరైన గుర్తింపు కార్డు చూపించడంలో విఫలమైతే వారిని టికెట్ లేని ప్రయాణికులుగానే పరిగణిస్తారు.ఈ ఘటనతో, టీటీఈ ఎవ్వరినీ వదిలిపెట్టకుండా, నిబంధనలు అందరికీ సమానమే అని మరోసారి నిరూపించాడని జనాలు చర్చించుకుంటున్నారు.
