మిచిగాన్లో( Michigan ) ఓ విద్యార్థిని తన టీచర్ తలకు కుర్చీ విసిరికొట్టిన వీడియో ప్రస్తుతం సోషల్ మీడియాలో వైరల్గా మారింది.ఈ సంఘటన గురువారం, సెప్టెంబర్ 28, ఫ్లింట్ సౌత్ వెస్ట్రన్ అకాడమీ హై స్కూల్లో( Flint Southwestern Academy High School ) జరిగింది.
ఇద్దరు విద్యార్థినుల మధ్య గొడవను ఆపేందుకు టీచర్ ప్రయత్నించగా, వారిలో ఒకరు టీచర్ పై కుర్చీ విసిరినట్లు పోలీసులు తెలిపారు.కుర్చీ ఉపాధ్యాయురాలి తలకు బలంగా తగలడంతో ఆమె నేలపై కుప్ప కూలింది.
విద్యార్ధులు ఎవరూ ఆమెకు ఏమైందో చూడడానికి లేదా సహాయం కోసం కాల్ చేయడానికి వెళ్లలేదని వైరల్ వీడియోలో కనిపించింది.
కొద్ది సేపటికి ఇతర టీచింగ్ స్టాఫ్ వచ్చి టీచర్ తలకు గాయం కావడం చూసి షాక్ అయ్యారు.
ఆపై ఆసుపత్రికి తరలించారు.చికిత్స తీసుకున్నాక ఆమెను అదే రోజు డాక్టర్లు విడుదల చేశారు.
ప్రస్తుతం ఆమె బాగానే ఉంది.త్వరలో తిరిగి టీచింగ్ స్టార్ట్ చేయనుంది.
ఫ్లింట్ కమ్యూనిటీ స్కూల్స్ సూపరింటెండెంట్( Superintendent of Flint Community Schools ) ఆమెను హీరో అని కొనియాడారు.విద్యార్థులు, సిబ్బందికి ఆమె అంటే చాలా ప్రేమ అని అన్నారు.
కుర్చీ విసిరిన 15 ఏళ్ల విద్యార్థిని అరెస్టు చేసి 2 నేరాలు చేసినట్లు పోలీసులు అభియోగాలు మోపారు.పాల్పడ్డారు.నేరం రుజువైతే ఈ ఫిమేల్ స్టూడెంట్ కు 4 సంవత్సరాల వరకు జైలు శిక్ష పడే అవకాశం ఉంది.ఫైటింగ్ లో పాల్గొన్న ఇతర విద్యార్థిని కూడా అరెస్టు చేశారు.
ఆమెపై తక్కువ తీవ్రమైన నేరం కింద అభియోగాలు మోపారు.ఈ ఘటనతో తాను భయాందోళనకు గురయ్యానని, పాఠశాలల్లో ఇలాంటి హింసను సహించేది లేదని ప్రాసిక్యూటర్ తెలిపారు.
ఈ వీడియో చూసాక స్థానిక నాయకులు, విద్యాశాఖ బాధ్యులు సహా పలువురు ఆగ్రహం వ్యక్తం చేసారు.విద్యార్థులకు క్రమశిక్షణ సరిగా లేదని, ఉపాధ్యాయులను గౌరవించడం లేదని కొందరు మండి పడ్డారు.మిచిగాన్ పాఠశాలలకు తగినంత డబ్బు లేదా ఉపాధ్యాయులకు మద్దతు లేదని మరికొందరు అంటున్నారు.రాష్ట్రం తక్కువ విద్యా పనితీరు, అధిక డ్రాపౌట్ రేట్లు, విద్య కోసం బడ్జెట్ కోతలతో పోరాడుతోంది.
ఫ్లింట్ సౌత్ వెస్ట్రన్ అకాడమీ హై స్కూల్ ఫ్లింట్, మిచిగాన్లోని నాలుగు ఉన్నత పాఠశాలల్లో ఒకటి.ఇది సుమారు 3,000 మంది విద్యార్థులకు పాఠాలు చెబుతోంది.ఈ పాఠశాల రాష్ట్రంలో అత్యల్ప పనితీరు కనబరుస్తున్న పాఠశాలల్లో ఒకటిగా నిలుస్తోంది.పేలవమైన సౌకర్యాలు, సిబ్బంది కొరత వంటి అనేక సవాళ్లను ఎదుర్కొంటోంది.
