విజయ్ పూరీ జగన్నాధ్ మరో సినిమా.. ఈసారి పెద్ద ప్లాన్ వేశారుగా!

లైగర్ సినిమా విడుదలకు ముందే పూరి జగన్నాథ్, విజయ్ దేవరకొండ తో కలిసి మరొక ప్రాజెక్టును సెట్స్ మీదకు తీసుకెళ్ల పోతున్నారు.ఆ ప్రాజెక్టును మార్చి 29 అనగా నేడు ఆ ప్రాజెక్టుకు సంబంధించిన మిషన్ లాంచ్ అంటూ ప్రకటించిన కొద్దిసేపటికే విజయ్ దేవరకొండ తన పేరెంట్స్ అలాగే నిర్మాత ఛార్మి, దర్శకుడు పూరి జగన్నాథ్ లతో కలిసి ముంబైలో లంచ్ కోసం మీట్ అయ్యారు.ఈ నేపథ్యంలోనే విజయ్ దేవరకొండ, పూరి జగన్నాథ్, ఛార్మి, తల్లిదండ్రులు కలిసి లంచ్ చేసిన ఫోటోలు సోషల్ మీడియాలో చక్కర్లు కొడుతున్నాయి.

అయితే పూరి జగన్నాథ్, దేవరకొండ కాంబినేషన్ లో నెక్స్ట్ సినిమా జన గణ మన నేడు ముంబైలో మొదలు కానున్నట్లు తెలుస్తోంది.

అది కూడా పాన్ ఇండియా ప్రాజెక్టుగా తెరకెక్కించబోతున్నారు అని వార్తలు వినిపిస్తున్నాయి.అంతేకాకుండా ఆ ప్రాజెక్టుకు సంబంధించిన పూజా కార్యక్రమాలను కూడా నేడు ముంబైలో మొదలు పెట్టబోతున్నారు అని సమాచారం.అందుకోసమే విజయ్ దేవరకొండ ఫ్యామిలీ ముంబైలో ఉందని వార్తలు వినిపిస్తున్నాయి.

ఈ సినిమాలో విజయ్ దేవరకొండ సరసన బాలీవుడ్ బ్యూటీ జాన్వీ కపూర్ నటించబోతున్నట్లు తెలుస్తోంది.