కథలో దమ్ముంటే.. ఈ హీరోలపై రూ.100 కోట్లు అయినా పెట్టొచ్చు..?

మంచి స్టోరీ ఉంటే హీరో దుల్కర్ సల్మాన్‌( Dulquer Salmaan)పై కళ్లు మూసుకుని రూ.100 కోట్లు పెట్టొచ్చు.ఈ హీరో మార్కెట్ రేంజ్ ఆ లెవెల్‌లో పెరిగిపోయింది మరి.దుల్కర్ హీరోగా హను రాఘవపూడి దర్శకత్వంలో వచ్చిన పీరియడ్ రొమాంటిక్ డ్రామా ఫిల్మ్ "సీతా రామం" సూపర్‌హిట్ అయిన సంగతి తెలిసిందే.ఇందులో దుల్కర్ సల్మాన్, మృణాల్ ఠాకూర్ టైటిల్ రోల్స్‌లో నటించారు.ఈ మూవీ రూ.25 కోట్లు పెట్టి తీస్తే రూ.91.4 కోట్లు కలెక్ట్ చేసింది.ఇప్పుడీ హీరో "లక్కీ బాస్కర్" అనే తెలుగు సినిమా చేస్తున్నాడు.

దీని విడుదల కోసం ఫ్యాన్స్ ఎంతో ఆసక్తిగా ఎదురు చూస్తున్నారు.

నిఖిల్ సిద్ధార్థ

నిఖిల్( Nikhil Siddhartha) హీరోగా వచ్చిన "కార్తికేయ" మూవీ రూ.4 కోట్ల బడ్జెట్‌తో తెరకెక్కి రూ.20 కోట్లు కలెక్ట్ చేసింది.దానికి సీక్వెల్‌గా వచ్చిన మిస్టరీ యాక్షన్-అడ్వెంచర్ మూవీ "కార్తికేయ 2" రూ.117.87 కోట్లు వసూలు చేసింది.దీన్ని జస్ట్ రూ.15 కోట్లతోనే తీశారు.ఇంటరెస్టింగ్ స్టోరీ, నిఖిల్ సాలిడ్ పెర్ఫార్మన్స్ కారణంగా ఈ మూవీ అంత పెద్ద హిట్టైంది.ఇలాంటి మంచి స్టోరీతో నిఖిల్‌ని హీరోగా పెట్టి రూ.100+ కోట్ల బడ్జెట్ సినిమా తీసినా నష్టం వచ్చే ఛాన్స్ తక్కువ.