లోక్ సభ ఎన్నికలపై( Lok Sabha Elections ) తెలంగాణ బీజేపీ( Telangana BJP ) ప్రత్యేక దృష్టి సారించింది.ఇందులో భాగంగా రాష్ట్ర అధ్యక్షుడు కిషన్ రెడ్డి( Kishan Reddy ) ఆధ్వర్యంలో బీజేపీ ఎన్నికల కమిటీ సమావేశం అయింది.
ఇందులో ప్రధానంగా లోక్ సభ స్థానాల అభ్యర్థుల ఎంపికపై నేతలు కసరత్తు చేస్తున్నారు.ఒక్కో స్థానంలో ముగ్గురు పేర్లతో పార్టీ హైకమాండ్ కు జాబితాను పంపాలని ఎన్నికల కమిటీ నిర్ణయం తీసుకుంది.
ఈ క్రమంలోనే కొన్ని స్థానాల్లో ఒకే పేరును ఖరారు చేశారని సమాచారం.
కరీంనగర్ స్థానంలో బండి సంజయ్,( Bandi Sanjay ) సికింద్రాబాద్ స్థానంలో కిషన్ రెడ్డి, నిజామాబాద్ లో ధర్మపురి అర్వింద్ తో( Dharmapuri Arvind ) పాటు చేవెళ్లలో కొండా విశ్వేశ్వర్ రెడ్డి( Konda Vishweshwar Reddy ) పేర్లను పార్టీ ఎన్నికల కమిటీ ఖరారు చేసింది.అలాగే మల్కాజిగిరి టికెట్ కోసం మురళీధర్ రావు, మల్క కొమురయ్య, ఈటల రాజేందర్ పోటీలో ఉన్నారు.అటు మహబూబ్ నగర్ టికెట్ రేసులో డీకే అరుణ, శాంతి కుమార్, జితేందర్ రెడ్డి ఉన్నారు.
ఈ నేపథ్యంలో అభ్యర్థుల ఎంపికపై సర్వత్రా ఉత్కంఠ నెలకొంది.
