సోషల్ నెట్వర్కింగ్ వెబ్స్ సైట్స్ రావడం వల్ల ఎంతపెద్ద వ్యక్తికైనా సందేశం పంపే సౌలభ్యం మనకి దొరికింది.కాని దాన్ని ఎలా వాడుకోవాలి అలా వాడుకుంటేనే మంచిది.
వెర్రి వేషాలు వేస్తే ఏం జరుగుద్దో నిన్న సోనాక్షి సిన్హా చూపించింది.అసలేం జరిగిందంటే … అప్పుడప్పుడు సినీతారలు, ఆటగాళ్ళు తమ అభిమానులతో చాట్ చేస్తూ ఉంటారు కదా, అలానే చాట్ చేద్దాం అని నిన్న సోనాక్షి అడిగేసరికి చాలామంది రకరకాల ప్రశ్నలు వేసారు.
కాని ఒక ఆకతాయి, ” నీ శరీరాన్ని ఎప్పుడు చూపిస్తావ్ ? , బికినీ ఎప్పుడు వేసుకుంటావు ?” అని అడిగేసాడు.అది చుసిన సోనాక్షికి పట్టలేనంత కోపం వచ్చేసింది.“ఇదే ప్రశ్న మీ అమ్మనో, అక్కనో అడుగు, వాళ్ళు ఏమంటారో నాకు చెప్పు ” అంటూ గట్టిగా సమాధానం ఇచ్చింది సోనాక్షి.
అక్కడితో ఆగకుండా ఆ అబ్బాయి ట్వీట్ ని పబ్లిక్ గా పెట్టి తన పరువు తీసింది.
ఇంతలో ఎవరో అమ్మాయి వచ్చి ” డబ్బుల కోసం చర్మాన్ని అమ్మేసుకునే హీరోయిన్లే నీతులు చెప్పాలి ” అని సోనాక్షిని అనేసరికి హీరో వరుణ్ ధవన్ కలుగజేసుకొని ఆ అమ్మాయిని తిట్టేసాడు.దాంతో నిన్నటి రోజంతా ట్విట్టర్ గరం గారంగా ఉండింది.
ఆ అబ్బాయి సోనాక్షి క్షమాపణ చెప్పి పెట్టిన ట్వీట్ ని డిలీట్ చేయమని చాలాసేపు ప్రాధేయపడ్డాడు.చాలాసేపు ట్వీట్ ని అలానే ఉంచిన సోనాక్షి చివరికి తన టైంలైన్ నుంచి తొలగించేసింది.
దాంతో ఆ ఆకతాయి ఊపిరి పీల్చుకున్నాడు.
