దేవదాస్ సినిమాలో ఏఎన్నార్ మళ్లీ తాగి నటించారా.. అసలేం జరిగిందంటే?

అక్కినేని నాగేశ్వరరావు( Akkineni Nageswara Rao ) నటించిన సినిమాలలో మెజారిటీ సినిమాలు సక్సెస్ సాధించగా ఆయన నటించిన సినిమాలలో దేవదాస్( Devdas ) మూవీ ప్రత్యేకమైనదనే సంగతి తెలిసిందే.నాగేశ్వరరావు, సావిత్రి ఈ సినిమాలోని పాత్రలకు ప్రాణం పోశారు.

ఈ సినిమా విడుదలై దశాబ్దాలు దాటినా దేవదాస్ అనే పేరు వింటే ఏఎన్నార్ కళ్ల ముందు మెదులుతారు.శరత్ చంద్ర( Sarath Chandra ) ఛటోపాధ్యాయ నవల ఆధారంగా ఈ సినిమా తెరకెక్కింది.

ఈ సినిమా ఇతర భాషల్లో రీమేక్ అయినా ఆ భాషల్లో నటించిన నటీనటులు అక్కినేని స్థాయిలో తాము నటించలేదని చెప్పారంటే ఈ పాత్రకు ఏఎన్నార్ ఏ స్థాయిలో న్యాయం చేశారో అర్థమవుతుంది.మొదట దేవదాస్ పాత్రకు అక్కినేని పేరును పరిశీలించిన సమయంలో ఆయనను తీసెయ్యాలని చాలామంది సూచించినా మేకర్స్ మాత్రం అందుకు అంగీకరించలేదు.

భగ్న ప్రేమికుల పాత్రలకు ఏఎన్నార్ సావిత్రి ప్రాణం పోశారనే చెప్పాలి.అయితే ఈ సినిమాలోని కొన్ని కీలక సన్నివేశాల్లో అక్కినేని నిజంగానే తాగి నటించారని గతంలో వార్తలు ప్రచారంలోకి వచ్చాయి.అయితే వైరల్ అయిన వార్తల్లో ఏ మాత్రం నిజం లేదు.ఈ సినిమాలోని జగమే మాయ బ్రతుకే మాయ సాంగ్ షూట్ రాత్రి సమయంలో జరిగింది.ఏఎన్నార్ రాత్రివేళలో కడుపునిండా తిని సాంగ్ షూట్ లో పాల్గొనేవారట.

నిద్రకు కళ్లు మూతలు పడుతుండగా అలాంటి సమయంలో ఈ సాంగ్ ను షూట్ చేయడంతో అక్కినేని నిజంగా తాగినట్టు ఎక్స్ ప్రెషన్లు ఇవ్వగలిగారు.దేవదాస్ సినిమాలో భవిష్యత్తులో మళ్లి ఎవరైనా తెరకెక్కించినా అక్కినేని స్థాయిలో మెప్పించడం, ఆ మ్యాజిక్ ను రిపీట్ చేయడం మాత్రం సులువైన విషయం కాదు.ఈతరం ప్రేక్షకుల్లో కూడా ఎంతోమంది దేవదాస్ సినిమాకు అభిమానులుగా ఉన్నారు.

మరోవైపు అక్కినేని హీరోలకు ఈ మధ్య కాలంలో వరుస షాకులు తగలడంతో కథల ఎంపికలో ఈ హీరోలు మరిన్ని జాగ్రత్తలు తీసుకుంటున్నారు.