Brahmaji RGV: రామ్ గోపాల్ వర్మకి కథ చెబితే.. అలాంటి టైటిల్ పెట్టాడు : నటుడు బ్రహ్మాజీ

టాలీవుడ్ నటుడు బ్రహ్మాజీ( Brahmaji ) తనయుడు సంజయ్ రావు హీరోగా నటించిన తాజా చిత్రం స్లమ్ డాగ్ హస్బెండ్.

ఇందులో సంజయ్ సరసన ప్రణవి మానుకొండ హీరోయిన్‌ గా నటించింది.

ఈ మూవీకి డాషింగ్ డైరెక్టర్ పూరీ జగన్నాథ్ శిష్యుడు డాక్టర్ ఏఆర్ శ్రీధర్ దర్శకత్వం వహించారు.ఈ మువీ రేపు అనగా జులై 29న ప్రేక్షకుల ముందుకు రానుంది.

ఈ సందర్భంగా చిత్ర బృందం ప్రమోషన్స్ లో భాగంగా బిజీ బిజీగా ఉన్నారు.ఇకపోతే ఈ చిత్రంలో కీలక పాత్రలో నటించిన బ్రహ్మాజీ తాజాగా మీడియాతో ముచ్చటించారు.

ఈ సందర్భంగా బ్రహ్మజీ మాట్లాడుతూ.స్లమ్ డాగ్ హజ్బెండ్( Slum Dog Husband ) స్టోరీని రామ్‌ గోపాల్‌వర్మకు( Ram Gopal Varma ) వినిపించి టైటిల్‌ అడిగితే కుక్క మొగుడు అయితే బాగా సెట్‌ అవుతుందని చెప్పారు.

కానీ మా నిర్మాత మాత్రం స్లమ్ డాగ్ హజ్బెండ్ అని పెడితేనే బాగుంటుందని ఆ టైటిల్‌ ఫిక్స్‌ చేశారు.ఈ సినిమా కథ, కథనం రెండూ కొత్తగా ఉంటాయి.

ప్రేక్షకులను కచ్చితంగా ఈ మూవీ ఆకట్టుకుంటుందనే నమ్మకం ఉంది అని సీనియర్‌ నటుడు బ్రహ్మాజీ అన్నారు.మిస్టర్ ప్రెగ్నెంట్ సినిమా షూటింగ్ సమయంలోనే నిర్మాత అప్పి రెడ్డి ఈ కథ, కాన్సెప్ట్ గురించి చెప్పారు.

ఒక కొత్త దర్శకుడు కథ చెప్పాడు విని, సలహా చెప్పండి అని అన్నారు.కాన్సెప్ట్ కొత్తగా అనిపించింది.

బాగుందని చెప్పాను.ఇందులో లాయర్ పాత్రను మీరే అనుకుంటున్నామని చెప్పారు.

మరి హీరో ఎవరు అని అడిగితే ఇంకా డిసైడ్ కాలేదని అన్నారు.