బీజేపీ లోక్సభ అభ్యర్థుల రెండో జాబితా( BJP Lok Sabha Candidates Second List ) ఇవాళ లేదా రేపు విడుదల అయ్యే అవకాశం ఉంది.బీజేపీ కేంద్ర ఎన్నికల కమిటీ( The BJP Central Election Committee ) సుమారు 150 కి పైగా అభ్యర్థులను ఖరారు చేసిందని తెలుస్తోంది.
ఈ క్రమంలోనే తెలంగాణ, కర్ణాటక, మహారాష్ట్ర, గుజరాత్, పంజాబ్, హర్యానా, ఒడిశా, బీహార్, ఢిల్లీ సహా పలు రాష్ట్రాల్లో లోక్సభ స్థానాలకు అభ్యర్థులను ఎంపిక చేశారని సమాచారం.కాగా గెలుపు అవకాశాలు, సామాజిక సమీకరణాలు మరియు సర్వేలతో పాటు కొత్తగా పార్టీలో చేరిన ప్రముఖుల ప్రాతిపదికన అభ్యర్థులను ఎంపిక చేశారు.
ఈ నేపథ్యంలో తెలంగాణలోని ఏడు స్థానాలకు అభ్యర్థుల ఎంపిక పూర్తి అయిందని తెలుస్తోంది.వీటిలో మెదక్, పెద్దపల్లి, ఖమ్మం, నల్గొండ, మహబూబ్ నగర్, మహబూబాబాద్, వరంగల్ స్థానాలకు అభ్యర్థులను బీజేపీ సీఈసీ ఖరారు చేసిందని సమాచారం.
కాగా ఆదిలాబాద్ నియోజకవర్గానికి అభ్యర్థి ఎంపికను పార్టీ అధిష్టానం పెండింగ్ లో పెట్టింది.
