ఆ కారణం వల్లే డ్రగ్స్ తీసుకున్నా.. సంజయ్ దత్ సంచలన వ్యాఖ్యలు వైరల్!

కేజీఎఫ్2 సినిమా ఊహించని స్థాయిలో సక్సెస్ సాధించడానికి కారణమైన వ్యక్తులలో సంజయ్ దత్ ఒకరు.అధీరా పాత్రకు సంజయ్ దత్ పూర్తిస్థాయిలో న్యాయం చేశారు.

చిన్నపిల్లలు సైతం భయపడేలా పవర్ ఫుల్ విలన్ పాత్రలో సంజయ్ దత్ కనిపించారు.ఈ పాత్ర వల్ల సంజయ్ దత్ నటుడిగా మరో మెట్టు పైకి ఎక్కారనే చెప్పాలి.బాలీవుడ్ లో స్టార్ హీరో అయినప్పటికీ సంజయ్ దత్ కథ నచ్చితే విలన్ రోల్స్ లో కూడా నటించడానికి ఓకే చెబుతున్నారు.కేజీఎఫ్2 సినిమా సక్సెస్ సాధించిన నేపథ్యంలో వరుసగా ఇంటర్యూలు ఇస్తున్న సంజయ్ దత్ ఇంటర్వ్యూలలో ఆసక్తికర విషయాలను వెల్లడిస్తున్నారు.సంజయ్ దత్ తన వ్యక్తిగత జీవితానికి సంబంధించిన విశేషాలను సైతం ఫ్యాన్స్ తో పంచుకున్నారు.

తనకు డ్రగ్స్ ఏ విధంగా అలవాటు అయ్యాయో కూడా సంజయ్ దత్ చెప్పుకొచ్చారు.అమ్మాయిలతో మాట్లాడాలని అనుకుంటే అప్పట్లో చాలా సిగ్గుపడేవాడినని సంజయ్ దత్ వెల్లడించారు.అయితే ఎలాగైనా అమ్మాయిలతో మాట్లాడాలని తనకు అనిపించేదని సంజయ్ దత్ పేర్కొన్నారు.