అఫిషియల్‌ : 18 ఏళ్ల తర్వాత రేణు దేశాయ్‌ టాలీవుడ్‌ వెండి తెరపై

రేణు దేశాయ్.ఈమె గురించి తెలుగు ప్రేక్షకులకు ప్రత్యేకంగా పరిచయం చేయనక్కర్లేదు.

పవన్ కళ్యాణ్ మాజీ భార్య అయిన ఈమె తెలుగు సినీ ప్రేక్షకుల ముందుకు వచ్చి 18 సంవత్సరాలు పూర్తయింది.ఆ మధ్య మరాఠా సినిమాను తెరకెక్కించి, నటించిన కూడా తెలుగు వెండి తెరపై మాత్రం ఈమె కనిపించలేదు.

ఎట్టకేలకు తెలుగు ప్రేక్షకుల ముందుకు రవితేజ నటిస్తున్న టైగర్ నాగేశ్వరరావు సినిమా తో రీఎంట్రీ ఇచ్చేందుకు సిద్ధమైంది.టైగర్ నాగేశ్వరరావు సినిమా లో హేమలత లవణం అనే పాత్రలో రేణు దేశాయ్ కనిపించబోతుందంటూ చిత్ర యూనిట్ సభ్యులు అధికారికంగా ప్రకటించారు.

వంశీ దర్శకత్వంలో రూపొందుతున్న ఈ సినిమాను అభిషేక్ అగర్వాల్ నిర్మిస్తున్నాడు.ఒక పేరు మోసిన నిజమైన దొంగ అయిన నాగేశ్వరరావు జీవిత చరిత్ర ఆధారంగా ఈ సినిమాను రూపొందిస్తున్న విషయం తెలిసిందే.

మొదట ఈ సినిమా కథతో బెల్లంకొండ సాయి శ్రీనివాస్ హీరోగా సినిమా చేయాలనుకున్నారు, అందులో కూడా రేణు దేశాయ్ నటించబోతున్నట్లుగా ప్రచారం జరిగింది.కానీ కొన్ని కారణాల వల్ల ఆ ప్రాజెక్టు నిలిచిపోయింది.