జొన్న పంటను నాశనం చేసే ఎర్ర కుళ్ళు తెగుళ్ళను అరికట్టే పద్ధతులు..!

ఈ తెగులు( Red Rot Disease ) సోకిన మొక్కల కొమ్మలు పాలిపోయిన రంగులో ఉంటాయి.మొక్కల ఆకుపై పెద్ద ఎరుపు రంగు మచ్చలను గమనించవచ్చు.కాడ లోపలి భాగంలో పొడవుగా ఉన్న ఎర్రని కూలిపోయిన కణజాలం ను కూడా గమనించవచ్చు.

లోపలి భాగంలో పగుళ్లు కూడా ఏర్పడతాయి.మొక్కలలో ఒక రకమైన దుర్వాసన కూడా రావడం జరుగుతుంది.

ఈ తెగుళ్లను సకాలంలో గుర్తించి అరికట్టడం లేదా అసలు ఈ తెగుల్లే రాకుండా మొదటి నుండి జాగ్రత్తలు తీసుకుంటేనే పంటలో అధిక దిగుబడి సాధించడానికి అవకాశం ఉంటుంది.మార్కెట్లో ఎన్నో రకాల విత్తనాలు అందుబాటులో ఉన్నాయి.

అయితే తెగులు నిరోధక రకాలను ఎంపిక చేసుకుని సాగు చేయాలి.పంట మార్పిడి పద్ధతులను పాటిస్తే వివిధ రకాల తెగుళ్లు పంటను ఆశించవు.

మొక్కలకు అధిక మొత్తంలో నీరు పెట్టడం, పొలంలో నీరు నిల్వ ఉండడం లాంటివి లేకుండా జాగ్రత్తలు తీసుకోవాలి.పంట కోతలు పూర్తయిన అనంతరం పంట అవశేషాలను తొలగించి కాల్చివేయాలి.

వేసవిలో లోతుగా దుక్కి దున్నితే మట్టిలో ఉండే ఫంగస్ సూర్యరశ్మి వల్ల చనిపోతుంది.