నా ఫాలోవర్స్ అంతా ఫేక్... పుసుక్కున నోరు జారిన పూజ హెగ్డే!

పూజా హెగ్డే( Pooja Hegde ) పరిచయం అవసరం లేని పేరు.స్టార్ హీరోయిన్గా ఇండస్ట్రీలో ఓవెలుగు వెలిగిన పూజా హెగ్డే అనంతరం అవకాశాలను కోల్పోయారు.

అయితే తిరిగి ఈమె ప్రస్తుతం వరుస సినిమా అవకాశాలను అందుకుంటూ సినిమాల షూటింగ్ పనులలో బిజీగా ఉన్నారు.ప్రస్తుతం పలు సినిమాలో షూటింగ్ పనులలో బిజీగా ఉన్న పూజ హెగ్డే త్వరలోనే రెట్రో,( Retro ) సినిమా ద్వారా ప్రేక్షకుల ముందుకు రాబోతున్నారు.

సూర్య( Suriya ) పూజా హెగ్డే జంటగా నటించిన ఈ సినిమా వచ్చేనెల 1వ తేదీ ప్రేక్షకుల ముందుకు రాబోతున్న నేపథ్యంలో ప్రమోషన్ కార్యక్రమాలను కూడా నిర్వహిస్తున్నారు.ఈ సినిమా ప్రమోషన్ కార్యక్రమాలలో భాగంగా పూజా హెగ్డే వరుస ఇంటర్వ్యూలకు హాజరవుతున్నారు.

ఇలా ఓ ప్రమోషన్ కార్యక్రమాలలో భాగంగా సోషల్ మీడియాలో సెలబ్రిటీలకు ఉండే ఫాలోవర్స్ ( Followers ) గురించి ఈమె ఆసక్తికరమైన విషయాలను వెల్లడించారు.సాధారణంగా హీరోలతో పోలిస్తే హీరోయిన్లకు ఎక్కువ మంది ఫాలోవర్స్ ఉంటారు.హీరోలు ఎంత పెద్ద స్టార్స్ అయినప్పటికీ హీరోయిన్లను మించిన ఫాలోవర్స్ వారికి ఉండరు.అయితే ఇలా హీరోయిన్లకు ఉండే ఫాలోవర్స్ అందరూ కూడా ఫేక్ అంటూ ఈమె చేసిన కామెంట్స్ సంచలనంగా మారాయి.

ఈ విషయం గురించి పూజా హెగ్డే మాట్లాడుతూ తనకు ఇంస్టాగ్రామ్ లో సుమారు 38 మిలియన్ ఫాలోవర్స్ ఉన్నారని తెలిపారు.కానీ నా సినిమాని అంతమంది ఆడియన్స్ థియేటర్స్ లో చూడరు.నాకు ఉన్నటువంటి ఫాలోవర్లు పెద్ద పెద్ద సూపర్ స్టార్స్ కి కూడా లేరు.నాకే కాదు, చాలా మంది హీరోయిన్స్ కి బిగ్గెస్ట్ సూపర్ స్టార్స్ కంటే ఎక్కువ ఫాలోవర్స్ ఉన్నారు అయితే వారంత నిజమైన అభిమానులు కాదని తెలిపారు.

కేవలం మేము పెట్టే కంటెంట్ ని బట్టి వచ్చే వాళ్ళు అంటూ ఫాలోవర్స్ గురించి పూజా హెగ్డే చేసిన ఈ కామెంట్స్ ప్రస్తుతం సంచలనంగా మారాయి.