మహేష్‌బాబు హీరోగా అనీల్‌రావిపూడి దర్శకత్వంలో అనీల్‌ సుంకర నిర్మిస్తున్న ప్రతిష్టాత్మక ‘సరిలేరు నీకెవ్వరు’ చిత్రం చక చక చిత్రీకరణ జరుపుకుంటోంది.మరో రెండు నెలల్లో చిత్రీకరణ పూర్తి చేయాలనే పట్టుదలతో దర్శకుడు ఉన్నాడు.
భారీ అంచనాల నడుమ రూపొందుతున్న ఈ చిత్రంలో విజయశాంతి కీలక పాత్రలో నటిస్తున్న విషయం తెల్సిందే.హీరోయిన్‌గా రష్మిక మందన్న నటిస్తుండగా కీలక పాత్రకు గాను పూజా హెగ్డేను సంప్రదించినట్లుగా వార్తలు వస్తున్నాయి.
ప్రస్తుతం టాలీవుడ్‌లో స్టార్ హీరోయిన్‌ పూజా హెగ్డే.ఈమెకు స్టార్ హీరోలు కూడా ఫిదా అవుతున్నారు.చిన్నా పెద్దా అనే తేడా లేకుండా యంగ్‌ హీరోలు సీనియర్‌ హీరోలు కూడా పూజా హెగ్డేతో నటించేందుకు ఆసక్తిగా ఉన్నారు.మహేష్‌బాబు కూడా తన చిత్రంలో చిన్న పాత్ర అయినా ఆమె చేస్తే బాగుంటుందని అనుకున్నాడేమో అందుకే అనీల్‌ రావిపూడి ఈ చిత్రంలో ఆమెను తీసుకున్నాడు.
ఇప్పటికే ఈ చిత్రంలో విజయశాంతి, రష్మికలు ఉండటం వల్ల సినిమాకు మంచి క్రేజ్‌ వచ్చింది.ఇప్పుడు పూజా హెగ్డే కూడా ఈ చిత్రంలో ఉండటంతో అంచనాలు పీక్స్‌లో ఉన్నాయి.
పూజా హెగ్డే ఇటీవలే గద్దలకొండ గణేష్‌ చిత్రంలో ఒక చిన్న పాత్రలో కనిపించింది.ఆ సినిమా మంచి విజయాన్ని సొంతం చేసుకుంది.ఆమె పాత్ర వల్ల సినిమాకు అదనపు ఆకర్షణ దక్కిందని సినీ విశ్లేషకులు అభిప్రాయం వ్యక్తం చేశారు.ఇదే సమయంలో గద్దలకొండ గణేష్‌ చిత్రంలో ఈ అమ్మడు శ్రీదేవి పాత్రలో నటించి వెల్లువచ్చి గోదారమ్మ.
పాటకు డాన్స్‌ చేసి దుమ్ము రేపింది.ఆ పాటతో సినిమా స్థాయి ఎక్కడికో వెళ్లింది.
అందుకే సరిలేరు నీకెవ్వరు చిత్రంలో కూడా ఆమె ఉంటే తప్పకుండా కలిసి వస్తుందని మేకర్స్‌ భావించి ఆమెకు చోటు ఇచ్చారట.
తెలుగు వార్త విశేషాలు సులభముగా తెలుసుకోండి!!!!
