కొరటాల ఇచ్చిన మాట.. ఎన్టీఆర్‌కు కలిసొచ్చింది!

వచ్చే నవంబర్‌ నుండి చిరంజీవి 152వ చిత్రాన్ని మొదలు పెట్టబోతున్న కొరటాల శివ, ఆ చిత్రాన్ని వచ్చే ఏడాది దసరా లేదా దీపావళికి విడుదల చేయాలని నిర్ణయించుకున్నారు.అందుకు సంబంధించిన ఏర్పాట్లు కూడా చకచక జరుగుతున్నాయి.చిరు మూవీ పూర్తి అయిన తర్వాత ఎన్టీఆర్‌ మూవీని పట్టాలెక్కించే అవకాశం ఉంది.

ప్రస్తుతం త్రివిక్రమ్‌ దర్శకత్వంలో ‘అరవింద సమేత’ చిత్రాన్ని చేస్తున్న ఎన్టీఆర్‌ ఆ తర్వాత రాజమౌళి దర్శకత్వంలో చరణ్‌తో కలిసి ఒక భారీ మల్టీస్టారర్‌ను చేసేందుకు సిద్దం అయ్యాడు.ఆ చిత్రం 2020లో విడుదల కాబోతుంది.

దాంతో 2020 ఆరంభంలో ఎన్టీఆర్‌, కొరటాల శివల కాంబో మూవీ పట్టాలెక్కే అవకాశం ఉంది.అదే ఏడాది చివర్లో మరో జనతా గ్యారేజ్‌ ప్రేక్షకుల ముందుకు వచ్చే అవకాశం ఉంది అంటూ సినీ వర్గాల వారు చెబుతున్నారు.

కొరటాల శివ దర్శకత్వంలో ఎన్టీఆర్‌కు మరోసారి చేసే అవకాశం రావడంతో నందమూరి ఫ్యాన్స్‌ సంతోషాన్ని వ్యక్తం చేస్తున్నారు.మరో జనతా గ్యారేజీ వచ్చేందుకు 2020 వరకు ప్రేక్షకులు ఎదురు చూడాల్సిందే.

వరుసగా ఎన్టీఆర్‌ భారీ బ్లాక్‌ బస్టర్‌ చిత్రాలతో పలకరించడం ఖాయంగా అనిపిస్తుంది.అరవింద సమేత చిత్రం ఈ దసరాకు ప్రేక్షకుల ముందుకు రాబోతుంది.వచ్చే ఏడాది ఎన్టీఆర్‌ మూవీని చూసే అవకాశం ప్రేక్షకులకు లేదు.2020లో రెండు సినిమాలతో ఎన్టీఆర్‌ బ్లాక్‌ బస్టర్స్‌ను దక్కించుకుంటాడనే టాక్‌ వినిపిస్తుంది.