రష్మిక చేసిన పనికి ప్రశంసలు కురిపిస్తున్న నెటిజన్స్.. వైరల్ అవుతున్న వీడియో?

ఛలో సినిమా ద్వారా టాలీవుడ్ ఇండస్ట్రీకి పరిచయమైన హీరోయిన్ రష్మిక ఈ సినిమాలో ఈ అమ్మడు తన నటనతో పాటు అందంతో తెలుగు ప్రేక్షకులను బాగా ఆకట్టుకుంది.

ఈ సినిమా హిట్ అవటంతో తెలుగులో వరుస అవకాశాలు అందుకుంది.

టాలీవుడ్ లో స్టార్ హీరోల సరసన నటించి అతి తక్కువ కాలంలోనే స్టార్ హీరోయిన్ గా గుర్తింపు పొందింది.ప్రస్తుతం ఈ అమ్మడు తెలుగు, తమిళ, కన్నడ భాషలతో పాటు హిందీలో కూడా వరుస సినిమాలలో నటిస్తోంది.

ఇటీవల అల్లు అర్జున్ సరసన పుష్ప సినిమాలో నటించి పాన్ ఇండియన్ హీరోయిన్ గా మంచి గుర్తింపు పొందింది.నేషనల్ క్రష్ గా గుర్తింపు పొందిన ఈ అమ్మడు తాజాగా ముంబై విమానాశ్రయంలో తళుక్కుమంది.

ఎయిర్ పోర్ట్ లో రష్మీక కి సంబంధించిన మీడియా ప్రస్తుతం సోషల్ మీడియాలో వైరల్ గా మారింది.సాధారణంగా కొందరు సెలబ్రిటీలు సెల్ఫీల కోసం వచ్చిన అభిమానులు దగ్గరికి రాగానే విసుక్కుంటూ ఉంటారు.

కానీ రష్మిక మాత్రం అభిమానుల్ని చూసి ఎంతో ఆనందంగా సెల్ఫీలు ఫోటోలకు ఫోజులు ఇస్తుంది.ఇటీవల ముంబై ఎయిర్ పోర్ట్ లో క్యాజువల్ లుక్‏లో ఎంతో అందంగా ఉన్న రష్మిక విమానాశ్రయం నుంచి బయటకు రాగానే సెల్ఫీల కోసం అభిమానులు ఒక్కసారిగా ఆమె చుట్టూ చేరారు.

దీనికి సంబంధించిన వీడియోని సెలబ్రెటీ ఫోటోగ్రాఫర్ అయినా వైరల్ భయానీ సోషల్ మీడియాలో షేర్ చేశాడు.అతడు షేర్ చేసిన వీడియోలో కొంతమంది అభిమానులు రష్మికను కలిసేందుకు ఆమె వద్దకు వచ్చారు.ఆ సమయంలో రష్మిక వారందరితో చిరునవ్వులు చిందిస్తూ ఫోటోలకు ఫోజులిచ్చింది.

అలాగే తనతో ఫోటో దిగటానికి వచ్చిన చిన్నపిల్లలను తన దగ్గరికి తీసుకొని మరి సెల్ఫీ ఇచ్చింది.ప్రస్తుతం ఈ వీడియో సోషల్ మీడియాలో వైరల్ అవుతుంది.ఈ వీడియో చూసిన నెటిజన్స్ నేషనల్ ఫ్రెష్ అని ఊరికి గుర్తింపు రాలేదు మరి అంటూ కామెంట్ చేస్తున్నారు.

ఇక సుకుమార్ దర్శకత్వంలో తెరకెక్కుతున్న పుష్ప 2 సినిమా ఇటీవల పూజా కార్యక్రమాలు పూర్తిచేసుకుని షూటింగ్ కి సిద్ధమయ్యింది.