మన దేశంలో పెట్రోల్ ధరలు ఒక్కో రాష్ట్రంలో ఒక్కోలా ఉంటాయి.ఢిల్లీ-NCR ( Delhi-NCR )బయట కొన్ని రాష్ట్రాల్లో అయితే లీటర్ పెట్రోల్ ధర రూ.100 కంటే తక్కువే ఉంది.కానీ, బిహార్, బెంగాల్, ఒడిశా, మధ్యప్రదేశ్ లాంటి చోట్ల మాత్రం పెట్రోల్ రేటు సెంచరీ దాటేసింది.
మరి పక్క దేశాల్లో పెట్రోల్ రేట్లు ఎలా ఉన్నాయో ఎప్పుడైనా ఆలోచించారా, ఇటీవలే భూటాన్ ( Bhutan )వెళ్లిన ఓ భారతీయ యాత్రికుడు అక్కడ పెట్రోల్ ధరలు చూసి అవాక్కయ్యాడు.
మహ్మద్ అర్బాజ్ ఖాన్ ( Mohammad Arbaaz Khan )అనే ఇండియన్ టూరిస్ట్ భూటాన్ వెళ్లాడు.
అక్కడ భారత్ పెట్రోలియం బంకులు కనిపించేసరికి షాక్ అయ్యాడు.వెంటనే వీడియో తీసి మరీ చూపించాడు.
ధర చూసి అయితే అస్సలు నమ్మలేకపోయాడు.వీడియోలో అర్బాజ్ ఎంతో ఆశ్చర్యంగా చెప్తూ, “భూటాన్‌లో ఒక అద్భుతం జరిగింది.
నేను ఇప్పుడు భూటాన్‌లో ఉన్నాను, చూడండి ఇక్కడ భారత్ పెట్రోలియం, ఇండియన్ ఆయిల్ పెట్రోల్ బంకులు ఉన్నాయి.ఇవి మన ఇండియన్ పెట్రోల్ బంకులే, కానీ ఇక్కడ పెట్రోల్ ధర చూస్తే మాత్రం మీరు నమ్మరు” అంటూ చూపించాడు.
ఇండియా-భూటాన్ సరిహద్దు దగ్గర ఉన్న పెట్రోల్ బంకును చూపిస్తూ ధర ఎంత ఉందో చూపించాడు.
భూటాన్‌లో పెట్రోల్ ధర లీటరుకు దాదాపు రూ.64 (రూ.63.92 పైసలు) ఉందని అర్బాజ్ చెప్పాడు. స్క్రీన్‌పై భూటాన్ కరెన్సీ ( Bhutan currency on screen )కూడా కనిపిస్తోంది.
భారత రూపాయి, భూటాన్ న్గుల్ట్రమ్ విలువ దాదాపు సమానమేనని తేలింది.అంటే మన దేశంలో లీటరు పెట్రోల్ రూ.100 పలుకుతుంటే, భూటాన్‌లో మాత్రం జస్ట్ రూ.64కే దొరుకుతోంది.
ఈ వీడియో క్షణాల్లో సోషల్ మీడియాలో వైరల్ అయిపోయింది.రెండు రోజుల్లోనే 63 లక్షలకు పైగా వ్యూస్, లక్షల కొద్దీ లైకులు, షేర్లు వచ్చాయి.కామెంట్ సెక్షన్ అయితే రచ్చ రచ్చ అయిపోయింది.భూటాన్‌కు పెట్రోల్ సప్లై చేసేది ఇండియానే కదా, మరి అక్కడ ఇంత తక్కువ రేటుకు ఎందుకు అమ్ముతున్నారని ఒక నెటిజన్ ప్రశ్నించాడు.
దీనికి ఇంకొకరు సమాధానమిస్తూ, మన దేశంలో కేంద్ర, రాష్ట్ర ప్రభుత్వాలు వేసే భారీ ట్యాక్స్‌ల వల్లే పెట్రోల్ రేట్లు మండిపోతున్నాయని చెప్పారు.ఈ ట్యాక్స్‌లు తగ్గిస్తే మన దగ్గర కూడా ధరలు తగ్గుతాయని కొందరు సలహా ఇచ్చారు.
చాలా మంది భారతీయులు మన దేశంలో పెట్రోల్ రేట్లు పెరిగిపోతున్నాయని తెగ ఫ్రస్ట్రేట్ అయిపోయారు.సుభాష్ అనే యూజర్ స్పందిస్తూ, భూటాన్ జనాభా కంటే మన దేశ జనాభా చాలా ఎక్కువ అని గుర్తు చేశారు.అంటే పెట్రోల్ డిమాండ్ ఎక్కువ కాబట్టి తక్కువ ధరలకు అమ్మడం కష్టమని చెప్పారు.ఇంకొక యూజర్, కమలేష్ రాయ్ మాత్రం భూటాన్ రాజు పాలనే కారణమని చెప్పుకొచ్చారు.
భూటాన్ రాజు ఉచిత విద్య, ఉద్యోగాలు, వైద్యం, ఇంకా చాలా ముఖ్యమైన సేవలు ఫ్రీగా అందిస్తున్నారని, అందుకే ప్రభుత్వం ఫ్యూయల్ ధరలను తక్కువగా ఉంచగలుగుతోందని వివరించారు.ఈ వీడియోతో సోషల్ మీడియాలో పెద్ద చర్చ మొదలైంది.
చాలా మంది భారతీయులు మన దేశంలో పెట్రోల్ ఇంత రేటు ఎందుకు అని ఆలోచిస్తున్నారు.
