హెరిటేజ్ పై భువనేశ్వరి వ్యాఖ్యలు భూమ్ రాంగ్ అయ్యాయా ?

రెండు శాతం వాటా అమ్మితేనే 400 కోట్లు వచ్చినప్పుడు అసలు హెరిటేజ్ లో 40% వాటా కలిగి ఉన్న భువనేశ్వరి ఆస్తి విలువ ఎంత? అన్ని ఆస్తులు ఎలా సంపాదించారు ? వాటిలో ప్రభుత్వానికి ఏ స్థాయిలో పనులు కడుతున్నారంటూ కూపి లాగినట్టు తెలుస్తుంది .అంతేకాకుండా ఇప్పుడు లోకేష్ కు ఇచ్చిన 41 నోటీసుల్లో కూడా హెరిటేజ్ సంస్థకు సంబంధించిన అనేక ఆర్థిక లావాదేవీలపై నోటీసులు ఇచ్చినట్లుగా తెలుస్తుంది.అమరావతి ఇన్నర్ రింగ్ రోడ్డు( Inner Ring Road Scam ) అలైన్మెంట్లో మార్పుల వల్ల లింగమనేని రమేష్ సంస్థలతో పాటు హెరిటేజ్ సంస్థ కూడా భారీగా లాభపడిందని తమ అనునయులకు లబ్ది చేకూర్చేటందుకు అలైన్మెంట్ లో ఇష్టానుసారం మార్పులు చేశారని ఆ క్రమంలో అనేక ట్రాన్జక్షన్స్ అనుమానస్పదం గా జరిగినట్లుగా సిఐడి గుర్తించినట్లుగా వార్తలు వస్తున్నాయి.

ఏది ఏమైనా సానుభూతిని పెంచే క్రమంలో చంద్రబాబు సతీమణి భువనేశ్వరి( Nara Bhuvaneswari ) నోరు జారినట్లుగానే తెలుస్తుంది.ఇప్పుడు ఈ వాఖ్యలు ప్రభుత్వానికి అతిపెద్ద అస్త్రంగా మారి తీగలాగితే తెలుగుదేశం మరింత ఇబ్బందులు ఎదుర్కొనే వాతావరణం కనిపిస్తుంది రాజకీయంగా ఆమెకు అంతగా అనుభవం లేకపోవడం భర్త అరెస్టుతో బ్యాలెన్స్ కోల్పోవడంతోనే ఆమె అలా మాట్లాడి అనవసరమైన ఇబ్బంది లో ఇరుక్కున్నారంటూ పలువురు వ్యాఖ్యానిస్తున్నారు.