కోర్ట్ సినిమా డైరెక్టర్ కు ఖరీదైన గిఫ్ట్ ఇచ్చిన నాని.. ఈ నిర్ణయాన్ని మెచ్చుకోవాల్సిందే!

ఇటీవల నాని సొంత బ్యానర్ పై నిర్మించిన సినిమా కోర్టు.చిన్న సినిమాగా విడుదలై బాక్సాఫీస్ వద్ద సంచలనం సృష్టించింది. ఈ సినిమాతోనే రామ్ జగదీష్ అనే మరో కొత్త దర్శకుడిని ఇండస్ట్రీకి పరిచయం చేశారు నాని.కోర్టు చిత్రంలో ప్రియదర్శి ప్రధాన పాత్రలో నటించారు.ఈ సినిమా బాక్సాఫీస్ వద్ద భారీ విజయాన్ని అందుకుంది.ఇక ఇప్పుడు ఓటీటీల్లోనూ సత్తా చాటుతోంది.

ఈ క్రమంలోనే కోర్టు సినిమా దర్శకుడికి ఖరీదైన కారును బహుమతిగా అందించారు నాని.అయితే దర్శకుడికి కారు బహుమతిగా ఇచ్చిన విషయాన్ని నాని ఎక్కడ బయట పెట్టలేదు.

సోషల్ మీడియాలో ఫోటోస్ సైతం షేర్ చేయలేదు.కానీ ఇటీవల ఒక ఇంటర్వ్యూలో పాల్గొన్న కోర్టు డైరెక్టర్ ఈ విషయాన్ని రివీల్ చేసాడు.

నాని చేతుల మీదుగా కారు బహుమతిగా తీసుకోవడం పెద్ద అచీవ్ మెంట్ అని చెప్పుకొచ్చాడు.ఈ విషయం ఆనందంగా అందరికీ చెప్పుకోవాలని ఉందని కానీ గిఫ్ట్ ఇచ్చి ఇలా బయటకు చెప్పుకోవడం నానికి ఇష్టం లేదని అందుకే ఎవరికీ చెప్పలేదని అన్నారు.

దీంతో ఇప్పుడు నానిపై ఫ్యాన్స్ ప్రశంసలు కురిపిస్తున్నారు.అలాగే నాని మంచి మంచి పొజిషన్లకు వెళ్లాలని కామెంట్స్ చేస్తున్నారు.