ఇండియాలోనే తొలి గేర్డ్ ఎలక్ట్రిక్ బైక్.. ఫ్లిప్‌కార్ట్‌లో ఇలా బుక్ చేసుకోవచ్చు!

భారతీయ ఇ-కామర్స్ మార్కెట్ ప్లేస్ అయిన ఫ్లిప్‌కార్ట్ ఏరా (Aera) ఎలక్ట్రిక్ మోటార్‌బైక్‌ను ప్రీ-బుక్ చేయడానికి, కొనుగోలు చేయడానికి వినియోగదారులకు అనుకూలమైన మార్గాన్ని అందించేలా టెక్ ఇన్నోవేషన్ కంపెనీ అయిన మ్యాటర్ (Matter)తో భాగస్వామ్యం కుదుర్చుకుంది.

ఈ బైక్ 2,000 పిన్ కోడ్‌లను కవర్ చేస్తూ భారతదేశంలోని 25 జిల్లాల్లో కొనుగోలు చేయడానికి అందుబాటులో ఉంటుంది.

ఫ్లిప్‌కార్ట్‌లోని ఎలక్ట్రానిక్స్ డివైసెస్ అండ్ ఆటోమొబైల్స్ కేటగిరీ హెడ్ డైరెక్టర్ భరత్ కుమా బిఎస్ మాట్లాడుతూ, కస్టమర్లు ప్రత్యేక ఆఫర్లు, ప్రయోజనాలను పొందగలరని సంతోషం వ్యక్తం చేశారు.ఇదిలా ఉండగా, మ్యాటర్ వ్యవస్థాపకుడు, సీఈఓ, మోహల్ లాల్భాయ్ మాట్లాడుతూ అన్ని ప్రాంతాలలో ఎలక్ట్రిక్ వాహనాలను అందుబాటులోకి తీసుకురావాలని కంపెనీ లక్ష్యంగా పెట్టుకుందని అన్నారు.