అందరికి బతుకు పోరాటం అంత సులువుకాదు సుమా.. ఇతన్ని చూసి నేర్చుకోవాల్సిందే!

ప్రతిభా ఉన్నా, శారీరకంగా వికలాంగత ఉన్నవారు జీవన యాత్రలో ఎన్నో కష్టాలను ఎదుర్కొంటుంటారు.రోజువారీ పనులు చేసేందుకు ఆధారంగా ఉండే చేతులు, కాళ్లు లేకుండా పుట్టడం ఒక గొప్ప సవాలే.

అయినా జీవితాన్ని నడిపించాల్సిందే.సమాజం తరచూ దానికే తగ్గ అవకాశాలను కల్పించకపోయినా, తమ శక్తిమేరకు పోరాడే వికలాంగులెందరో మనకు స్పూర్తిగా నిలుస్తున్నారు.

అలాంటి ఒక అద్భుతమైన ఉదాహరణ ఇప్పుడు సోషల్ మీడియాలో వైరల్ అవుతోంది.ఓ వ్యక్తి పుట్టుకతోనే కాళ్లు, చేతులు లేని ఆయన జీవనం కోసం నిరంతరం శ్రమిస్తున్న తీరు నెటిజన్లను కదిలిస్తోంది.ఈ వీడియోలో ప్రత్యేకంగా తయారుచేసిన నాలుగు టైర్ల రిక్షాపై ఓ వ్యక్తి రోజువారీ సరుకులను అమ్ముతూ కనిపిస్తాడు.అతని శారీరక పరిమితులు చూసినవారెవరైనా షాక్ అవ్వాల్సిందే.ఎందుకంటే అతనికి చేతులు లేవు, కాళ్లు లేవు.అయినా ఆత్మవిశ్వాసం మాత్రం అపారంగా ఉంది.“చేతులు, కాళ్లు కాదు ఆత్మవిశ్వాసమే ముఖ్యం” అనే మాటకు సాక్ష్యంగా నిలిచాడు అతడు.అయితే ఈ ఘటన ఎక్కడ జరిగందనే విష్యం మాత్రం తెలియరాలేదు.

ఈ వీడియో చూసిన నెటిజన్లు భావోద్వేగానికి లోనవుతూ కామెంట్స్ చేస్తున్నారు.అతని ప్రయాణం ఎప్పటికీ ఆగదని కొందరు కామెంట్స్ చేస్తున్నారు.మరికొందరేమో ఈయన ఎంతో మందికి స్పూర్తి అంటూ కామెంట్లు పెడుతున్నారు.ఈ వ్యక్తి జీవన యాత్ర మనందరికీ ఒక పాఠమే.ప్రతిఒక్కరి జీవితంలో ఒడిదుడుకులు, కష్టాలు ఉంటాయి.కానీ ధైర్యం, ఆత్మవిశ్వాసం ఉంటే, ఏదైనా సాధ్యమే.

ఆయన కథ మనందరినీ చైతన్యపరుస్తోంది.ముందుకు సాగే అడుగులో మనం ఒక్కసారి వెనక్కి తిరిగి చూస్తే, ఇలాంటి కథలు మన మనసులను మెలిపిస్తాయి.

ఈ వీడియో, ఆ వ్యక్తి ఆత్మవిశ్వాసం మనం కూడా జీవితాన్ని ధైర్యంగా, నమ్మకంగా ఎదుర్కోవాలనే సంకల్పాన్ని కలిగిస్తుంది.