బాలీవుడ్ దర్శకుడు నిర్మాత కరణ్ జోహార్ వ్యాఖ్యతగా వ్యవహరిస్తున్నటువంటి కాఫీ విత్ కరణ్ టాక్ షో ఎంత క్రేజ్ సంపాదించుకుందో మనకు తెలిసిందే.ఈ టాక్ షో ఇప్పటికే ఆరు సీజన్లను పూర్తి చేసుకోగా ప్రస్తుతం ఏడవ సీజన్ ప్రసారమవుతుంది ఇక ఈ కార్యక్రమానికి దక్షిణాది సినీ పరిశ్రమకు చెందిన సెలబ్రిటీలు సమంత విజయ్ దేవరకొండ హాజరయ్యి పెద్ద ఎత్తున సందడి చేశారు.
ఇక ఈ కార్యక్రమంలో భాగంగా ఎంతో మంది బాలీవుడ్ సెలబ్రిటీలు హాజరుకాగా కరణ్ పెద్ద ఎత్తున వారిని ఎన్నో రకాల ప్రశ్నలు అడుగుతూ ఆసక్తికరమైన సమాధానాలు రాబట్టారు.
ఇకపోతే తాజాగా ఈ కార్యక్రమానికి నటి కృతి సనన్, బాలీవుడ్ నటుడు టైగర్ ఫ్రాష్ హాజరైనట్టు తెలుస్తోంది.
తాజాగా ఈ కార్యక్రమానికి సంబంధించిన ప్రోమో విడుదల చేయడంతో ఈ ప్రోమో సోషల్ మీడియాలో వైరల్ గా మారింది.ఇందులో భాగంగా కరణ్ వీరిద్దరికి తమ కోస్టార్స్ కి ఫోన్ చేసి హే.కరణ్ ఇట్స్ మీ అని చెప్పించాలని చెప్పారు.ఇలా ఎవరైతే చెప్పిస్తారో వారికి 2 పాయింట్స్ అని చెప్పడంతో వెంటనే కృతి సనన్ ప్రభాస్ కి ఫోన్ చేసి హే కరణ్ ఇట్స్ మీ అని చెప్పమని కోరడంతో వెంటనే ప్రభాస్ హే.కరణ్ ఇట్స్ మీ ప్రభాస్ అంటూ చెప్పారు.
ఈ విధంగా ప్రభాస్ వెంటనే రియాక్ట్ అవుతూ అచ్చం కృతి సనన్ చెప్పినట్టుగానే చెప్పడంతో సంతోషం వ్యక్తం చేసిన కృతి సనన్ తనని షో పూర్తి కాగానే కలుస్తానని చెప్పారు.అందుకు ప్రభాస్ సైతం ఓకే జాగ్రత్త అంటూ చెప్పారు.ఇలా వీరిద్దరి సంభాషణకు సంబంధించిన వీడియో ప్రస్తుతం సోషల్ మీడియాలో వైరల్ అవుతుంది.
ఇకపోతే వీరిద్దరూ జంటగా బాలీవుడ్ దర్శకుడు ఓం రౌత్ దర్శకత్వంలో రామాయణం ఆధారంగా తెరకెక్కిన ఆది పురుష్ సినిమాలో నటిస్తున్న విషయం మనకు తెలిసిందే.ఈ సినిమా ప్రస్తుతం పోస్టు ప్రొడక్షన్ పనులను జరుపుకుంటుంది.
ఇందులో ప్రభాస్ రాముడిగా కనిపించగా కృతి సనన్ సీత పాత్ర ద్వారా సందడి చేయనుంది.
తెలుగు వార్త విశేషాలు సులభముగా తెలుసుకోండి!!!!
